Дугъриданра, ушв бисували инсандин рюгь вердиш апIуру, гунгьарихьан ярхла апIури, ужудар ляхнарихъ хъаъри, дугъаз нефсдиин гъалибвал гъадабгъуз улупуру.

Аьзиз чвйир ва чйир, Рамазандин вазлин кьиматлувалар гьархуз гъидритувал ухьуз важиблу ву.

Рамазандин ваз инсандиз чакан Аллагь рази апIуз, чан гунгьарилан хил алдабгъуз, жвуван хасият вердиш апIуз тувнайи вахт ву.

Гьаддиз, гьаму вазлин арайиъ Кьур’ан урхури, мистаз гъягъюри, гъудгнар апIури, садакьйир пай апIури, Аллагьдин рякъюъди рюгь мюгькам апIури, жвуван кIваз артухъси хайир хурхьа.

Газатдин редакцияйин коллектив