Версия для печати

ЦIийи центрар арццди

Автор Зубайдат Шябанова Пятница, 28 июня 2019, 12:04 1425
ЦIийи центрар арццди
||| ||| |||

РД-йин сагъламвал уьбхбан Министерствойин пресс-гъуллунаан учуз мялум гъапIганси, Дагъустандиъ «Демография» милли проектдин дахилнаъди жямяаьтлугъдин сагъ'вал ахтармиш апIру центрар гьяракатна ирчди.

 

Гьаму йигъари республикайиз гъафи Урусатдин сагъламвал уьбхбан министрин заместитель Олег Салагай Республикайин медицинайинна профилактикайин «Сагъ'вал» центрин ляхнихъди таниш гъахьну. Думу центрин бинайиин 2021-пи йисаз республикайиъ жямяаьтлугъдин сагъ'вал ахтармиш апIру центрар арццуз планламиш дапIна.

Жямяаьтлугъдин сагъламвал уьбхру центрарин пишекрари сагъу уьмрин пропаганда, гьацира инфекцяйин дару уьзрарин профилактика гъабхбаан программйир тартиб ва уьмриъ юрутмиш апIиди. Му проектдиз асас вуди, 2024-пи йисаз ресубликайин вари шагьрариъ ва районариъ жямяаьтдин сагъ'вал убхюз кюмек тувру центрар арццди.

Олег Салагай Дагъустандин гьюкуматдин медицинайин университетдизра гъушнийи. Студентарихъди гъабхьи гюрюшдиъ дугъу сагъ'вал уьбхбан цирклиан Дагъустан Урусатдин жара регионариз нумунади улупуз шлуваликан гъапнийи.

«Учвухь аьхю яш хьайиз яшамиш шули гъузрайи инсанарин кьадар аьхюб ву. Миди алкоголин сурсат цIибдитIан ишлетмиш дарапIрайиваликан кIура. Фицики, саб яш гъабхьиган, ички убхъру жилар ухди кечмиш шулу. Гьаддихъди сабси, папрус зигурайидарин кьадарну рази апIурадар. Мидиз республикайин профилактологари фикир тувну ккунду», – къайд гъапIнийи Олег Салагайди.

Чан терефнаан РД-йин сагъламвал уьбхбан министр Жамалудин Гьяжиибрагьимовди республикайиъ думу цирклариан ляхин гъабхурайиваликан, 2012-пи йисхъан мина Дагъустандин гъулариъ айи больницйириъ медицинайин 1080 гъуллугъчи ляхнихъди тямин гъапIуваликан, гъубшу йисан 200-дихьна медицинайин пишекрар районариз ляхин апIуз гъушуваликан ктибтну. Дугъан гафариинди, региондиъ «Земский фельдшер» программа гьяракатнаъ а. 2019-пи йисан «Земский доктор» программайин кюмекниинди 224 духтрихьан ва 10 фельдшерихьан ляхниъ дийигъуз хьибди.

Оцените материал
(1 Голосовать)
Последнее изменение Пятница, 28 июня 2019 12:11