Войдите в свой аккаунт

Пользователь
Пароль
Запомнить меня

Создать пользователя

Поля, помеченные звездочкой (*) обязательны.
Ф.И.О*
Логин*
Пароль*
Повторить пароль*
E-mail*
Повторить E-mail*
Captcha *
Reload Captcha

М.Рягьимов: «Жигьилариз гизаф мумкинвалар тувна»

Автор Гюльнара Мягьямедова Пятница, 05 июля 2019, 10:09 134
М.Рягьимов: «Жигьилариз гизаф мумкинвалар тувна»
||| ||| |||

Жигьиларин ляхнариз лигру Федералин агентствойин тешкиллувалиинди грантар гъадагъбан конкурс кIули гъубшнийи. Думу конкурсдиъ гъалиб гъахьидариз, хусуси проект уьмриз кечирмиш апIбан бадали, шубуб миллиондиинакьан пул гъадабгъуз мумкинвал айи.

Гьаму йисан Дагъустан Республикайин жигьилари аьхю хъуркьувалар гъадагъну. Конкурсдиъ чпин хусуси проектар хьади 22 жигьил гъалиб гъахьну. Дурарикан сар – Табасаран райондиъ футбол уйнамиш апIру бицIи майдан тикмиш апIбан проект гьязур гъапIу Марат Рягьимов ву. РД-йин жигьиларин ляхнариз лигру Министерствойин дахилнаъ айи «Республикайин жигьиларин центр» ГКУ-йин директорин заместитель вуди, Марат Рягьимов ихь халкьдин жямяаьтлугъ ляхнарин ужур иштирачира ву. Учу дугъаз чан проектдикан ктибтуз «Табасарандин нурар» газатдин редакцияйиз теклиф гъапIнийча. Ич арайиъ гъабхьи сюгьбат исихъ чап апIурача.

– Марат Альбертович, конкурсдикан, яв проектдикан ктибтуб ккун апIурача.

– Вариурусатдин жигьиларин проектарин конкурсди жигьилариз чпин тешкиллувалиинди арайиз гъахи проектар уьмриз кечирмиш апIуз пулин кюмек тувру. Майдин вазлиъ кIули гъубшу гьаму конкурс-диъ ихь уьлкейин вари регионариан 14 йислан 30 йис'ина яш айи жигьилар иштирак гъахьнийи.

Йиз проект Табасаран райондин Хючна гъулаъ футбол уйнамиш апIру бицIи майдан тикмиш апIбаз бахш дапIнайиб вуйиз. Конкурсдиъ проект гъалиб гъабхьну, ва думу уьмриз кечирмиш апIуз 2300 000 манат тувну.

Му конкурсдиъ Табасаран райондин вакилар вуйи шубурсана балин проектар гъалиб гъахьну. Грантариз тувру пулин кьадарназ лигну, Дагъустандин вакилари шубубпи йишв гъадабгъну ва республикайиз 30 миллионна 150 агъзур манат гъабхну.

– Марат Альбертович, проект гьязур гъапIур уву сар вуйва, дарш кюмекчйирра айвуз?

– Проект гьязур апIруган, проектдин десте шулу: узу ва табасаран миллетдин кьюрсан вакилар – Нажмудин ва Мягьямедрасул. Хъа, учу дюз рякъюъди гъягъбан бадали, теклифар, насигьятар тувру ихь Табасаран райондин глава Мягьямед Сиражудиновичра кIваин дарапIди гъитуз шулдар. Учу, конкурсдин гъалибчйир, уч дапIну, дугъу райондин администрацияйиъ совещание гъубхнийи. Мягьямед Сиражудиновичди учу гъалибвалихъди тебрик гъапIну, насигьятар тувну, проектар уьмриз кечирмиш апIуз хъуркьувалар ккун гъапIну.

– Проект гъалиб гъабхьну. Дакьатарра хъуркьну. Проект уьмриз кечирмиш апIувал фунуб ляхнилан ккебгъбанди вучва?

– Сифтена-сифте, райондин администрацияйихъди йикьрар йитIну, футбол уйнамиш апIру майдан тикмиш апIбан жилин участок жара дапIну ккунду. Думу жара гъапIубси, майдан тикмиш апIбан ляхнар ккергъдича. Шлубкьан ухди ляхин дапIну, футбол уйнамиш апIру майдан ачмиш апIурхьа. Ич планариинди октябрь вазлиъ думу майдан гьязур дубхьну ккунду.

Хючна гъулаъ проект уьмриз кечирмиш апIбакан улхуруш, му ихь райондин центр ву, душваъ спортдин гизаф серенжемар гъахури шулу, душваъ жигьиларра гизаф а. Гележегдиъ му футболин майдандиъ теннис уйнамиш апIбан планарра йивурача. Сагъу уьмур хъапIбан бадали, жигьилар спортдиин машгъул вуди ккунду. Ихь гъулариъ футбол уйнамиш апIуз ккуни жигьилар гизаф а. Дицисдар майднар ухьуз чарасуз лазим ву. Гьаму йисан декабрь ваз ктабхъайиз, футбол уйнамиш апIру майдан гьязур дубхьну ккунду, хъа проектдихъан жавабдарвал гъабхурайидари октябрин вазлиъ вари ляхнар тамам дапIну ккудукIуз план дивнача.

Гьадму майдандиъ тренерари шубуб яшнан бицIидарихъди ляхин апIиди: сабпи-юкьубпи классариъ айидарихъди, хьубпи-урчIвубпи классарин бицIидарихъди ва заан классариъ урхурайидарихъди. Табасаран райондин футболин сатIи дестейира душваъ тренировкйир гъахиди. Дурариз жа-жаради вахт дивди.

Райондиъ гьамциб майдан адайи. Хъа вари къайдйириз жаваб тувру майдан адруган, жара районарин дестйирихъди барабарди талитназ удучIвуз читинди ву.

– Ихь жигьилариз фицдар теклифар тувуз шулвухьан?

– Гьаму проектдиинди узу грантарин конкурсдиъ йиз иштирак'вал дебккбанди дарза. Ихь жигьилариканра жюрбежюр конкурсариъ иштирак хьувал ккун апIураза. Му ихь республикайин, райондин артмиш'вализ аьхю кюмек ву. Хъа жигьилариз чпин мумкинвалар улупуз ужуб сягьнара ву. Читинвалар алахьрувалихьан гучI мапIанай, лазим вуйидариз кюмек апIуз гьязур вуза. Форумариъ иштирак йихьай. Душвариъ проектар гьязур апIуз улупуру.

Марат Рягьимовдиз чан проект уьмриз кечирмиш апIуз, кIваъ айи ужудар ниятар кIулиз адагъуз ягъурлу рякъ ккун апIурахьа. Гъит, ихь халкьдин арайиъ бажаранлувал кайи жигьилар артухъ ишри!

Оцените материал
(1 Голосовать)

ПОСЛЕДНИЙ НОМЕР

Свежий выпуск

Читайте также

В Дербенте отметили праздник «Белых журавлей»

окт 22, 2019 Культура

...................................................................................................

Екатерина Толстикова проводит совещания с главами муниципалитетов

окт 22, 2019 Политика

...................................................................................................

Владимир Иванов проинспектировал ход исполнения поручений Президента Р…

окт 22, 2019 Политика

...................................................................................................

Табасаранский театр гастролирует по Хивскому району

окт 22, 2019 Культура

...................................................................................................

В Кизляре росгвардейцы провели мероприятие для школьников, приуроченно…

окт 22, 2019 Образование

...................................................................................................

Дагестанские врачи спасли жизнь мужчине с редким заболеванием

окт 22, 2019 Медицина

...................................................................................................

В Дербенте продолжается стрит-арт фестиваль «Стена»

окт 22, 2019 Общество

...................................................................................................

В селе Богатыревка Кировсого района идет ремонт улиц

окт 22, 2019 Общество

...................................................................................................

В Хасавюртовском районе идет строительство новой больницы  

окт 22, 2019 Медицина

...................................................................................................

«Волонтеры-медики» будут сотрудничать с больницей Махачкалы

окт 22, 2019 Медицина

...................................................................................................

Информация

Памятная дата военной истории России

окт 14, 2019 Информация

...................................................................................................

II Дагестанский международный туристский форум «OPEN DAGESTAN 2019»

окт 08, 2019 Информация

...................................................................................................

Как смотреть цифровое ТВ в приграничных населенных пунктах?

окт 02, 2019 Информация

...................................................................................................

Как перейти на цифровое ТВ и не потерять региональные каналы?

окт 02, 2019 Информация

...................................................................................................

Как выбрать антенну для цифрового ТВ?

окт 02, 2019 Информация

...................................................................................................

GOOGLEPLEY

Top.Mail.Ru
Рейтинг@Mail.ru Яндекс.Метрика

© 2014 ГБУ РД "Редакция республиканской газеты "Зори Табасарана". Все права защищены. Учредитель: ГБУ РД "Редакция республиканской газеты "Зори Табасарана". Сетевое издание "Зори Табасарана" зарегистрировано в Федеральной службе по надзору в сфере связи, информационных технологий и массовых коммуникаций (Роскомнадзор) 07 марта 2017 года. Свидетельство о регистрации Эл № ФС77-68946. Возрастное ограничение 6+

Главный редактор Маллалиев Гюлахмед Нуралиевич