Версия для печати

Дюн'яйин марццишин увлан ккебгъра

Автор Гюльнара Мягьямедова Пятница, 20 сентября 2019, 12:56 101
Дюн'яйин марццишин увлан ккебгъра Дюн'яйин марццишин увлан ккебгъра Дюн'яйин марццишин увлан ккебгъра
||||| ||||| |||||

 

 

Гъийин девриъ табиаьтдин марццишин уьбхбахъди аьлакьалу аьгьвалат лап гъагъи гьялназ дуфна. Гьаддикан ухьуз гьарсариз мялум вухьуз. Инсанарин табиаьтдихьна вуйи янашмиш'вали фикир апIру касарик къурху кипра. Табиаьтдин марццишин уьбхбан месэла аргъаж шулайи наслариз туврайи тербияйин саб пай дубхьну ккунду.

 

Аьхиримжи йисан Табасаран райондиъра райондин аьтрафариин марццишин уьбхбаз гизаф фикир тувра, фицики инсандин цивилизацияйи чIур дапIну адру ихь табиаьт чиркин хьуз хъюбгъна. Наанди гъилигишра, пластикдин бутулкйир, полиэтилендин пакетар рякъюру. Улихьди ихь гъулариъ саб-кьюб урсал айиш, гьамус сасдар гъулариъ наанди гъилигишра урслар рякъюра.

Магьа лап багарихьди Табасаран район арайиз дуфну 90 йис тамам хьувал къайд апIиди. Му мажлиснахьна райондин вари цирклар, идарйир, жямяаьт гьязур шула ва дидиз ккилигура. Му юбилейихъди аьлакьалу серенжемариз республикайин гьюкмин вари цирклариан гизаф кьадар хялариз теклиф дапIна. Шадлугънан серенжемарин улихь, Табасаран райондин администрацияйин теклифниинди, сентябрин 14-пи йигъан муниципалин райондин гъулариъ аьтрафар марцц апIбаз бахш дапIнайи субботник кIули гъубшну. Думу субботникдиъ вари жюрейин идарйириъ лихурайидар, мектебариъ урхурайидар иштирак гъахьну. Му йигъан субботникдиз уч духьнайидари, райондин гъуларин аьтрафариин али зирзибил уч дапIну, машинариъди гъубхну, рякъярин гъирагъар марцц гъапIну, гъеерццу гьарар аьлдяхну, гьарарин кьабар гьякрахьди гъарсну. Гьацира субботникдин дахилнаъди райцентриъ айи парк, Гъалибвалин парк, Ургур чвуччвун ва сар чуччун гъалайин гъирагъар, идарйирихъ хъайи йишварра марцц гъапIну. Райондин больницайиъ лихурайидари гъалайиина штун турбйир зигбан ляхнар кIули гъухну.

Сентябрин вазлин 21-пи йигъанра субботник гъабхбанди ву. Райондин маш лап марцциди уьбхюрхьа.

P.S. Хъа Табасаран райондин Жвулли гъулаъ зирзибил уч апIбан месэла фици гьял апIураш, узуз гизаф кьабул гъабхьунзуз. Улихьди вари жюрейин хъархъас урслариинди гатIабхьури айиш, гьамус гъулан гъирагъдиъ рякъюхъ рукьан аьхю ишкIар дивна. Хъархъас айи пакетар ишкIариъ ивра. Агьалйири хъархъас гьадму ишкIариз гъабхуз тIагъру дарапIур кIури, умуд кивурхьа.

Оцените материал
(1 Голосовать)
Последнее изменение Пятница, 20 сентября 2019 13:00
1