Версия для печати

Мягьячгъалайин майдан цIийи алапIиди

Автор Гюльнара Мягьямедова Пятница, 20 сентября 2019, 13:18 99
Мягьячгъалайин майдан цIийи алапIиди
||| ||| |||

 

 

Мягьячгъала шагьрин В.Лениндин ччвурнахъ хъайи майдан рас апIуз хъюгъна. Дидин гьякьнаан шагьрин глава Салман Дадаевди мялумат тувну.

 

Ихь меркездин кьялан майдан рас апIбан кьяляхъ, думу вари шагьрин агьалйириз ва ухьухьна дуфнайи хялариз рягьятвал гъадабгъру, сейир апIру, гъийин деврин тIалабариз жаваб туврайи ужуб йишв хьибди. Майдандин жиликк ккивнайи плитка ккадабгъну, гранитдин плитка ккивди, пулсуз интернет (Wi-Fi) айи ва рягьятвал гъадабгъру аьлава йишвар тешкил апIиди, таза гьарар ва кюкйир кивди. Гьацира майдан бегьем сагъ'вал адру инсанаризра рягьятвал гъадабгъру йишв хьибди.

Мидланна гъайри, майдандиин Владимир Лениндин гьюрматназ дивнайи гюмбет рас апIбан ляхнар кIули гъахувалра планламиш дапIна.

Майдан цIийи алапIбан ляхнар кIули гъахуз тендер «Армада» компанияйиз тувну. Рас апIбан ляхнариин гюзчивал РД-йин Жямяаьтлугъ палатайин ва депутатарин корпусдин вакилари гъабхиди. Шагьрин агьалйириз читинвалар дархьбан бадали, расвалин ляхнар паяриинди кIули гъахбанди ву.

КIваина хурача, майдан рас апIуз пулин дакьатар (350 млн манат) РД-йин Глава Владимир Васильевдин хаишниинди Москвайин мэрияйи жара гъапIну. Багахь гележегдиъ Мягьячгъалайиъ дуланмиш шулайи агьалйирихьан чпин баяр-шубарра хъади меркездин гюрчег майдандиин сейир апIуз ва рягьятвал гъадабгъуз хьибди кIури, умуд кивдихьа.

Оцените материал
(1 Голосовать)
1