Войдите в свой аккаунт

Пользователь
Пароль
Запомнить меня

Создать пользователя

Поля, помеченные звездочкой (*) обязательны.
Ф.И.О*
Логин*
Пароль*
Повторить пароль*
E-mail*
Повторить E-mail*
Captcha *
Reload Captcha

Хал бадали ваъ, хъа халкь, гъул бадали гъилиху кас

Автор Мейлан Нежефов Пятница, 11 октября 2019, 10:25 226
  • Печать
  • Эл. почта
Хал бадали ваъ, хъа халкь, гъул бадали гъилиху кас
||| ||| |||

 

 

 

Гъи йиз макьалайиъ саб йишвланра артухъ кюмек адарди, кьяляхъ адми хътарди, чан зигьмиинди, намусниинди, заан хъуркьувалариинди хал бадали ваъ, хъа гъул, халкь бадали баркаллувалиинди гъилиху касдикан улхуз ккундузуз.

 

Шюшеханум Аьбдуллаева 1938-пи йисан 22-пи декабриъ Кьасумкент райондин Хпюхъ кIуру гъулаъ аьдати зегьметкешдин хизандиъ бабкан гъахьну. Гъулан 4-пи классдин мектеб ккудубкIбалан кьяляхъ, Шюшеханум гъунши Цицик гъулан мектебдиз гъягъюру. Гьадушваъ 7-пи класс ккудубкIну, дугъу Дагъустандин Огни шагьрин дагълу шубариз вуйи интернатдиъ 8-10-пи классариъ урхуру. БицIи ришди имиди урхбиин, билиг гъадабгъбиин машгъул вуйи Шюшеханум, 1956-пи йисан сад йигъан математикайиан ва урус чIалнаан имтигьнар хьпариз тувну, чан хушниинди сельхозтехникумдик урхуз кучIвру. 1959-пи йисан мартдин вазлиъ заан хъуркьувалариинди ва аьгъювалариинди урхуб ккудубкIну, Шюшеханумди багъри гъулаъ чан пишекарвалин ляхин ккебгъру. Думу сифте колхозариъ, хъасин совхозариъ агрономди гъилихну. Сад йис бегьем хьайизра, дугъу учв ляхнин устад вуйиб субут гъапIнийи. Гъуландари, зегьметкеш шуркан гъулаз аьхю хайир айивал тасдикь апIури, дугъкан жара гъулаз швуваз дурушувал тIалаб апIуйи. Амма кьисматнан гуж аьхюб дубхьну, 1960-пи йисан 21-пи январиъ Шюшеханумди Мажвгул гъулан агьали, географияйин дарсар кивру жигьил мялим Шабудиндихъди чан уьмур ккабалгуру.

Гьадму йисан мартдин аьхирариъ Шюшеханум Мажвгул гъулан халачйир гьясил апIру фабрикайиз гъягъюру. Душваъ лихури сацIиб вахт хьайизра, Хиван гъафи райкомдин гъуллугъчйири, жигьил дишагьлийин ляхнихъ юкIв хъайивал, ушвниъ ужуб чIал, дилаварвалин мелз айивал дябкъну, думу фабрикайин (артелин) кадрйирин отделин начальникди дерккру. Шюшеханум Аьбдуллаевайин ляхнихьна вуйи янашмиш'вал, райондиз хътауз дюзмиш апIурайи планар, ацIрайи гьякь-гьисабар райондиъ ишлетмиш апIури, имбу гъулариъ тялукь гъуллугъариъ лихурайидариз чешне вуди керхуйи, улупуйи.

Ляхниъ йигълан-йигъаз гъазанмиш ап1урайи хъуркьувалариз, мажвгларин халачачйиринра разивал айивализ лигну, 1963-пи йисан Шюшеханум Аьбдуллаева гьадму артелин кIулин директорди дерккбан къарар адабгънийи. Хулаъ даршлу сижариз, ишру баяр-шубариз ва жилирихъди гъирагъдилан гъафи хялижв адмийизра дилигну, директорвалин вазифйир ккабхъси улхьан гьадаъну гъитувал чан намуснан ляхин дариз дупну, Шюшеханумди жвуван хушниинди аьрза бикIуру ва учв сифте айи ляхниъ гъитувал тIалаб апIуру.

1970-пи йисан Шюшеханум Аьбдуллаева бицIидарин багъдин заведующийди дерккру. Багъ аварийный гьялнаъ айиваликан дугъу вари аьламдиз мялум гъапIнийи, ва идара вахтназ вуди Навруз кIуру касдин хулариз хуз къарар адабгънийи. Гъулахъ, хулахъ, ляхнихъ юкIв убгури, дугъу 10-11 йисандин арайиъ Хивна, Мягьячгъалайиз, Москвайиз зат сикин дарди аьрзйир апIури, Мажвгул гъулан бицIидарин багъ айи гьялнакан шиклар хътаури гъахьну. Дици дайиш, 1980-81-пи йисари мициб бахт рябкъюб мумкин дайи. БицIидарин багъдиъ, дидин багахь ерлешмиш дубхьнайи фабрикара бахтнакк ккабхъну, рас апIбан ужудар ляхнар кIули гъухнийи, яна, саб гафниинди, дурар цIийи алаънийи.

Шюшеханум Аьбдуллаева швнуд-сад йисариинди «Мажвгларин сельсоветдин» МО-йин депутатдира гъилихнийи.

1997-пи йисан, чав пенсияйиъ айивалра гьисабназ гъадабгъну, думу чан хушниинди ляхниан удучIвуру.

Фуну ва фициб ляхнихь учв гъахнушра, Шюшеханум Аьбдуллаевайи фурс, дамагъ дарапIди, жара касдин кепек дибрисди, хаин дарди, гьич саризра зарар ктарди, хал бадали ваъ, хъа гъул бадали баркаллувалиинди гьюкуматдин ляхнариъ регьбервал апIури гъахьну. Гъира гьам гъулан мектебдиъ, бицIидарин багъдиъ, гъулан жямяаьтдин арайиъ дугъан иштирак’вал гьякь-гьисабнаъ ами.

Гъуншдин гатдиз вишткьан дарапIу касди, 5 велед дюрхну, арайиз адагъну, зигьим тувну ва дурар эвленмиш гъапIну. Гъи думу чан бицIину бай Мягьяммадихъди ва дугъан уьмрин юлдаш Гюл-ферездихъди яшамиш шула. Шюшеханум бабаз жандин мюгькам сагъ`вал, хизандиъ шадвал ва берекет хьувал ккун апIураза!

Оцените материал
(2 голосов)
Последнее изменение Вторник, 31 декабря 2019 18:55

ПОСЛЕДНИЙ НОМЕР

Свежий выпуск

Читайте также

В Махачкале возбуждены уголовные дела о захвате участков на 25 млн руб…

июль 14, 2020 Общество

...................................................................................................

Муфтият Дагестана призвал отдыхающих чтить местные традиции

июль 14, 2020 Общество

...................................................................................................

В Табасаранском районе чествовали отличников-медалистов

июль 14, 2020 Общество

...................................................................................................

В Дагестане откроется 42 Центра образования «Точка роста»

июль 14, 2020 Образование

...................................................................................................

Дагестанские школьники приняли участие в конкурсе «Большая перемена»

июль 14, 2020 Общество

...................................................................................................

Артём Здунов посетил филиал завода АО «Азимут»

июль 14, 2020 Общество

...................................................................................................

В правительстве обсудили проект «Культура народов Дагестана»

июль 14, 2020 Культура

...................................................................................................

Поменялись условия начисления пособий безработным

июль 14, 2020 Общество

...................................................................................................

В Даг. Огнях реконструируется улица Гоголя

июль 14, 2020 Общество

...................................................................................................

В Табасаранском районе открываются Центры образования «Точка роста»

июль 14, 2020 Общество

...................................................................................................

Информация

23 июля - Памятная дата военной истории России

июль 14, 2020 Информация

...................................................................................................

15 июля - Памятная дата военной истории России

июль 14, 2020 Информация

...................................................................................................

13 июля - Памятная дата военной истории России

июль 14, 2020 Информация

...................................................................................................

12 июля - Памятная дата военной истории России

июль 14, 2020 Информация

...................................................................................................

10 июля - Памятная дата военной истории России

июль 14, 2020 Информация

...................................................................................................

GOOGLEPLEY

Top.Mail.Ru
Рейтинг@Mail.ru Яндекс.Метрика

© 2014 ГБУ РД "Редакция республиканской газеты "Зори Табасарана". Все права защищены. Учредитель: ГБУ РД "Редакция республиканской газеты "Зори Табасарана". Сетевое издание "Зори Табасарана" зарегистрировано в Федеральной службе по надзору в сфере связи, информационных технологий и массовых коммуникаций (Роскомнадзор) 07 марта 2017 года. Свидетельство о регистрации Эл № ФС77-68946. Возрастное ограничение 6+

Главный редактор Маллалиев Гюлахмед Нуралиевич