Версия для печати

Гъалибчйирихъди гюрюш

Автор Гюльнара Мягьямедова Пятница, 13 декабря 2019, 09:51 111
Гъалибчйирихъди гюрюш
||| ||| |||

 

 

Гьаму йисан ноябрин 24-диъ ихь уьлкейиъ дадайин Йигъ къайд гъапIнийи. «Табасарандин нурар» газатди гьадму машквар къайд апIбак чан пайра киври, Инстаграмдиъ айи чан официалин машнаъ жвуван дада му йигъахъди тебрик апIбан гьякьнаан мектебдиъ урхурайидарин ва студентарин арайиъ конкурс кIули гъубхнийи. Учу дидкан газатдин улихьна удубчIву нумрайиъ макьала чап гъапIнийча, гъалибчйириканра мялуматар тувнийча.

 

Декабрин 10-пи йигъан «Табасарандин нурар» газатдин редакцияйиъ думу конкурсдин гъалибчйириз пешкешар тувбан серенжем кIули гъубшнийи. Газатдин редакцияйиз конкурсдиъ 1-пи йишв гъадабгъу Фатима Мирзаханова ва 3-пи йишван сагьиб гъахьи Амина Наврузялиева гъафнийи. Гьяйифки, конкурсдиъ 2-пи йишв гъадабгъу Чечен Республикайиъ яшамиш шулайи Самира Сефихановайи ва газатдин редакцияйин коллективдин йикьрариинди сабсана пешкешнан йишван сагьиб гъахьи студент риш, Гъвандикк гъулан агьали Сабина Гьясратовайи чпихьан серенжемдиъ иштирак хьуз даршлуваликан мялум гъапIнийи.

Серенжемдиъ конкурсдин гъалибчйирин гьякьнаан тебрикнан гаф хьади удучIвну гъулху газатдин редакцияйин жавабдар секретарь Мегьти Аьдиловди конкурсдиъ гъалиб гъахьи шубариз ва дурариз табасаран чIалниинди шиърар урхуз улупу абйир-бабариз чухсагъул мялум гъапIнийи ва редакцияйин терефнаан дипломар, пулин пешкешар, табасаран чIалниинди эсерар дикIру шаирарин китабар багъиш гъапIнийи.

Гьаму жюрейин конкурсар газатдин редакцияйи хъана текшил апIиди. Газатдин инстаграмдиъ айи маш гюзчивалик гъибтай.

Оцените материал
(1 Голосовать)
Последнее изменение Суббота, 14 декабря 2019 22:26