Версия для печати

Гъачай, аьлхъюхьа

Автор Зубайдат Шябанова Пятница, 03 января 2020, 10:40 322
Гъачай, аьлхъюхьа
||| ||| |||

– Адаш, увуз суал тувуз ккундузуз. ВаритIан кьан дапIну гъюру поезд фунуб вуш аьгъявуз?
– Ваъ, жан бай, аьгъдарзуз. Фунуб ву?
– Гьеле гьадму гъубшу ЦIийи йисан уву узуз масу гъадабгъурза гъапиб...

 

* * *

31-пи декабриъ хябяхъган бицIи бали, дадайихьна дуфну. кIуру:
– Дада, гъач, сяаьт 12-дин гьацI гъабхьиган, «гьурееей, ЦIийи йис, ЦIийи йис..» – кIури, чIигъар апIуз хъюгъхьа?
– ГьапIуз, жан бай?
– Гъит, ихь гъунш-йири, ухьухьна ЦIийи йис чпихьнатIан ухди гъафну кIури, фикир апIри...

 

* * *

ЦIийи йис улубкьайиз сацIиб улихьнаси бицIи худул бабу чахьна хуру. Рякъюъ бизар гъахьи бицIир бабу ахуз ккаъру. НивкI'ан хъергур, думу, гьавйир адарди, сикинсузди ишурайи.
Бабу худлиз кIуру:
– Эгер уву диришди ди-йигъиш, Аяз абайи увуз ЦIийи йисан машин багъиш апIиди.
– Вуда, гьамус узуз кьюб машин шулуки вуш, – разиди кIуру худли .
– ГьапIру кьюб? – мюгьтал духьну гьерхру бабу.
– Саб узуз яв кроватдикк гьитIибкIнади гъибихъунзуз...

 

* * *

Кючейиъ ГИБДД-йин гъуллугъчийи яман гьялак'вал кади хъапIрайи саб машин дебккру.
– Мукьан гьялакди наана гъягъюрава? – гьерхру дугъу машин хъапIрайирихьан.
– Аман миннат вуйиз, аьхюр, узу деет. Кьан шулайиз. Дустарихъди ЦIийи йис къайд апIури гъахьнийза. Хпир гъалабулугъ'вал ва яман хъял кади хулаъ ккилигура...
– ГьапIру ЦIийи йис? Гьамусяаьт майин ваз ву....
– Гьаддиз гьялакдира аза, аьхюр...

 

* * *

ЦIийи йис улубкьуз саб сяаьттIан ккамдайи. Деллегханайиз мужри ккадапIуз сар жилир гъюру Жилижвуваз чан сакъликан сябун ктатурайи деллегчийи ЦIийи йис ухдитIан къайд апIуз хъюгънайиваликан аьгъю шулу.
– Уву пиянди ава дарш? Яваш, яваш, узуз хабарсузди зиян апIидива, – гъалабулугъ'вал кади кIуру жилижвуву.
– Сабдихьанра гучI мапIан, дуст! Уву узуз яв шархьлин ккалккам наанси хьаш улуп, имбубдикан фикир мапIан. Гьамусяаьт ухьу вари цIалцIам апIурхьа...

 

* * *

Бали – адашдиз:
– Учву гьапIуз гьагъму гъяфатар елкайик мици ягъалди керхунчва, адаш?
– ЦIийи йис улубкьайиз уву дурар диритIуз, жан бай!
– Дици вуш, узу гьамус исикк керхнайи пласмасдин уюнжагъар чIвуркьуза?..

Уч ва гьязур гъапIур Зубайдат Шябанова ву

Оцените материал
(2 голосов)
Последнее изменение Пятница, 03 января 2020 10:43

Похожие материалы (по тегу)