Войдите в свой аккаунт

Пользователь
Пароль
Запомнить меня

Создать пользователя

Поля, помеченные звездочкой (*) обязательны.
Ф.И.О*
Логин*
Пароль*
Повторить пароль*
E-mail*
Повторить E-mail*
Captcha *
Reload Captcha

Урусатдин тикилишчивалин ужудар регьбрарикан сар

Автор Назим Мягьямадов, Мягьячгъала шагьур Понедельник, 13 января 2020, 14:43 116
  • Печать
  • Эл. почта
Урусатдин тикилишчивалин ужудар регьбрарикан сар
||| ||| |||

(Жалалудин ТIaгьировдин юбилейиз)

Жалалудин ТIагьиров 1960-пи йисан 8-пи январиъ Табасаран райондин Ккуми гъулаъ албагу аьхю хизандиъ бабкан гъахьну. 1966-пи йисан жилар тIурччвбан кьяляхъ абйир-бабар Дербент райондиз удучIвну гъушнушра, думу чан аьхю баб Гьяфизатдихъди кьюд йисансан гъулаъ гъузнийи. Гьяфизат бабу Кьур'ан урхруган, аьшкь ади хъпехъури, Жалалудинди чавра хайлин цIaрар урхуз гъудубгънийи..

 

1968-пи йисан Жалалудин Тажудинович аьхю бабахъди Дагъустандин Огни шагьриз абйир-бабарихьна гъафнийи. Душваъ Ильичдин ччвурнахъ хъайи мектеб заан кьиматариз ккудубкIну, думу Москвайиъ айи, Куйбышевдин ччвурнахъ хъайи тикилишчивалинна инженервалин институтдик урхуз кучIвнийи. 1983-пи йисан вуз заан кьиматариинди ккудубкIну, жигьил эскервалин буржи тамам апIуз армияйиз гъягъюру.

Армияйин кьяляхъ Жала-лудин Московский областдин Электросталь шагьриъ айи хулар тикмиш апIру карханайиъ саб цехдин начальникди гъилихну. Дугъан бажаранвал гъябкъиган, карханайин кIулиъ айидари дагълу бай аьхюнур инженерди тяйин апIуру. Гьадму гъуллугънаъ лихурайи Жалалудин ТIагьиров 1990-пи йисан чан кюлфетра хъади Германияйиз гъушнийи. Душваъ кьюд йисанна гьацIaъ тикилишчивалин управленийин начальникди дилихну, думу Москвайиз хъадакну гъюру.

Ватандин меркездиъ Жа-лалудин 1994-пи йисазкьан «Росинтерн ЛТД» фирмайин генеральный директорди ва Московский областдиъ хулар ва идарйир дивбан заказар апIру инвесторди лихуру. Му ляхниъра аьхю хъуркьувалар гъазанмиш апIбаз лигну, 1997-пи йисан думу Москвайиъ ЦIийи Арбат кючейиъ ерлешмиш дубхьнайи, гьюкуматдин «Монолит» кIуру эксперимент вуди диврайи хулар тикмиш апIбан управлениейин «Силикат СМ» ЗАО-йин бюройин директорди дерккру. Жалалудин ТIагьировди ду-шваъ цIийи технологияйиинди гьязур гъапIу дараргъру цалар тикмиш апIруган, сабпи ражари «сендвич» панелар ишлетмиш апIуз хъюгъну.

Дугъу Мягьячгъалайиъ айи «Техстекло» ЗАО фирмайин директор Нухтар Мягьрамовдихъди, хулариъ манишин уьбхбан бадали, Табасарандиъ айи хяхял ишлетмиш апIури, саб-швнуб ражари ужузди дийибгъру таза жюрейин пенобазальтдин плиткйир тикилишчи валин ляхнариъ ишлетмиш апIуз хъюгъну. Гьамцдар ва жара цIийи технологйир ишлетмиш апIури, Жалалудин ТIагьировди харижи уьлкйирин тикилишчивалин компанйирихъди талитнаъ учIвуз шартIар яратмиш гъапIну.

1989-пи йисан Жалалудин Тажудинович «Монолит СМ» ЗАО идарайин директорди тяйин гъапIнийи. Мушваъ дугъу цIийи технологияйиинди немцарин «PERI» ва «NOE» опалубкйир ишлетмиш апIуз хъюгъган, заан натижйир арайиз гъюру. Дидланра гъайри, думу Москвайин идар-йирин табшуругъар кIyлиз адагъру генеральный подрядчикдира лихуру.

Ляхниъ гъадагъу хъуркьувалариз лигну, Урусатдин Президентдин 2000-пи йисан 9-пи майдиъ адабгъу 473-пи нумрайин къарарниинди, Жалалудин ТIaгьировдиз «Урусатдин Федерацияйин лайикьлу тикилишчи» кIуру гьюрматнан ччвур тувну.

Жалалудинди регьбервал туврайи «Монолит СМ» ЗАО Урусатдин тикилишчивалин идарйирийин арайиъ вуйи конкурсариъ швнуб-саб ражари пешкешнан йишварин сагьиб гъабхьну. Дидланра савайи, Ж.Т. ТIaгьиров «Урусатдин варитIан ужур регьбер» кIyру медалииндира лишанлу гъапIну. 2008-пи йисан Швейцарияйин Берн шагьриъ вари дюн'яйин ужударсдар тикилишчивалин карханйириз пешкешар тувбан серенжем кIули гъябгъруган, душваъ Урусатдиан Жалалудин ТIагьировди регьбервал туврайи «Монолит СМ» ЗАО-ра айи.

Жалалудин ТIагьировдиз чан бицIи Ватан – Табасаранра гьархну адар. Дугъу машгьур табасаран шаир Шамиль Къазиевдин «Гъядягъю эсерар» кIуру китаб Москвайиъ урус чIалниинди чап апIyз пулин кюмек гъапIну. 2010-пи йисан композитор Кьасум Мягьямедов кюмек ккун апIури чахьна илтIикIиган, дугъан «Табасарандин дафтар» кIуру музыкайин альбом чап апIузра кюмек тувну. Чан багъри Ккуми гъулан мист рас апIруган, Жалалудинди мистан гьяятдиъ ккабхьуз плитка гъабхну, пулинра кюмек гъапIну.

Ихь ватанагьли кIулиъ айи «Монолит СМ» ЗАО тикилишчивалин карханайи Москвайиъси, Буйнакск, Сочи, Екатеринбург, Влади-восток шагьрариъра тикилишчивалин ляхнар гъахура.

Жалалудин ТIагьиров чан бабкан гъахьи йигъахъди ва 60 йисандин юбилейдихъди тебрик апIури, дугъаз ляхниъ хъана аьхю хъуркьувалар, жандин сагъ’вал ккун апIураза.

 

Шиклиъ: Жалалудин ТIагьиров (гагвлахъан кьюрпир) Бишкек шагьрин мэрихъди, 2007-пи йис

Оцените материал
(2 голосов)
Последнее изменение Понедельник, 13 января 2020 14:49

ПОСЛЕДНИЙ НОМЕР

Свежий выпуск

Читайте также

Коронавирусом в Дагестане заразились 9974 человека

авг 15, 2020 Общество

...................................................................................................

В с. Хосрех Кулинского района открыли новый ФАП

авг 14, 2020 Медицина

...................................................................................................

Махачкала готовится к масштабной реконструкции проспекта И. Шамиля

авг 14, 2020 Общество

...................................................................................................

В Дагестане реализуются проекты «Чистый город» и «Чистый район»

авг 14, 2020 Общество

...................................................................................................

МЧС Дагестана провело дезинфекцию в с. Геджух  Дербентского района

авг 14, 2020 Общество

...................................................................................................

В Дагестане за сутки коронавирусом заразились 56 человек

авг 14, 2020 Общество

...................................................................................................

Алексей Егоров возглавил Управление ФСБ по Дагестану

авг 14, 2020 Политика

...................................................................................................

В Дагестане построят новое водохранилище объемом 50 млн кубометров

авг 14, 2020 Общество

...................................................................................................

Станция переливания крови Дагестана обратилась с просьбой к донорам

авг 14, 2020 Медицина

...................................................................................................

В Дагестане появятся ветряные и солнечные электростанции

авг 14, 2020 Экономика

...................................................................................................

Информация

КЦ национального домена разработал сайт для обращений граждан о мошенн…

авг 14, 2020 Информация

...................................................................................................

Положение о ХII Всероссийском конкурсе «СМИротворец»

авг 12, 2020 Информация

...................................................................................................

Институт оценки регулирующего воздействия как форма взаимодействия биз…

авг 11, 2020 Информация

...................................................................................................

Карта РТРС поможет найти мастера для установки телевизионной антенны

авг 06, 2020 Информация

...................................................................................................

В России стартует книжная акция «Книжные сезоны. #Сказка в книжном»

июль 31, 2020 Информация

...................................................................................................

GOOGLEPLEY

Top.Mail.Ru
Рейтинг@Mail.ru Яндекс.Метрика

© 2014 ГБУ РД "Редакция республиканской газеты "Зори Табасарана". Все права защищены. Учредитель: ГБУ РД "Редакция республиканской газеты "Зори Табасарана". Сетевое издание "Зори Табасарана" зарегистрировано в Федеральной службе по надзору в сфере связи, информационных технологий и массовых коммуникаций (Роскомнадзор) 07 марта 2017 года. Свидетельство о регистрации Эл № ФС77-68946. Возрастное ограничение 6+

Главный редактор Маллалиев Гюлахмед Нуралиевич