Войдите в свой аккаунт

Пользователь
Пароль
Запомнить меня

Создать пользователя

Поля, помеченные звездочкой (*) обязательны.
Ф.И.О*
Логин*
Пароль*
Повторить пароль*
E-mail*
Повторить E-mail*
Captcha *
Reload Captcha

Спортдин цирклиан натижйир гъивну

Автор Зубайдат Шябанова Понедельник, 13 января 2020, 14:55 78
  • Печать
  • Эл. почта
Спортдин цирклиан натижйир гъивну
||| ||| |||

 

 

Гьаму йигъари учу РД-йин спортдинна физический культурайин Министерствойиз гъубшу 2019-пи йисан Дагъустан Республикайиъ спортдин цирклиан кIули гъушу варитIан важиблу талитар кIваин апIуб ва дурарин натижйир йивуб ккун апIури илтIикIнийча. Душв'ан учуз туву мялуматарихъди газат урхурайидарра таниш апIурача.

 

Альпинизмдиан Урусатдин чемпионат

Альпинистарин арайиъ вуйи вари Урусатдин чемпионат Дагъустандиъ сабпи ражари кIули гъубхнийи. Думу 3-пи февралиъ Дакъузпара райондин Ярыдагъ дагъдикк ачмиш гъапIнийи. Альпинистарин дестйир судйирин коллегияйи улупнайи маршрутариъди 12 йигъандин арайиъ кьадар адрубкьан гизаф ражари гъарзун дагъдиз ккудучIвури гъахьну. ВаритIан заан натижйир Краснодар крайин ва Омский областдин альпинистари улупнийи.

 

Греко-римский жюрейиинди юкьяр дисувал

Суракьат Асиятиловдин рюгьяриз бахш вуйи вари халкьарин греко-римский жюрейиинди юкьяр дисбан турнир 5-7-пи апрелиъ Каспийск шагьрин Аь. Аьлиевдин ччвурнахъ хъайи спортдин дараматдиъ кIули гъубшну. Талитариъ Урусатдиан ва йирхьуб харижи уьлкйириан 150-рихьна спортсменар иштирак гъахьну. Му турнир 2018-пи йисхъан мина Урусатдин Федерацияйин спортдин ва физический культурайин Министерствойин ва Вари дюн'яйин кчIихбарин саб вуйи тешкилатдин (UWW) важиблу серенжемарин календарариз гъадабгъна ва дидин натижйир вари дюн'яйин талитариъ иштирак хьпан бадали, Урусатдин сатIи командайиз спортсменар гъядягъруган гьисабназ гъадагъура.

 

Юкьяр дисувал

Республикайиъ юкьяр дисбаан Аь. Аьлиевдин ччвурнахъ хъайи вари халкьарин арайиъ вуйи талитар кIули гъахури, гъубшу йисан 50-пи раж вуйи. Юбилейин талитариъ 250-тIан артухъ спортсменарин дахилнаъди олимпийский чемпионар вуйи Шарип Шарипов, олимпиадайин талитариъ пешкешнан йишв гъадабгъу Мягьямед Ибрагьимов, вари дюн'яйин чемпионар Заур Угъуев, Мягьямед Къурбанялиев ва хайлин жара машгьур спортсменар иштирак гъахьну. Турнирин пешкешнан фонд швнуб-саб ражари артухъ гъапIнийи ва гъагънан гьарсаб категорияйин гъалибчийиз гьацI миллиондихьна пул тувнийи.

 

Шахматар

Октябрин 26-29-пи йигъари Мягьячгъала шагьриъ шахматарин Хулаъ шахматариан «Н.Гь. Гьяпизовдин мемориал» ччвур али Урусатдин Гран-при Кубокдин Рапид этап кIули гъубшну. Турнир гъабхури, 8-пи раж ву, ва Мягьячгъалайиъ му талитар сабпи ражари тешкил гъапIнийи. Сифте турнир республикайин дережайиъди гъабхурайиш, аьхиримжи йисари дидиз вари Урусатдин турнирин дережа тувна.

 

Парашютдин спорт

Сентябрин 28-пи йигълан октябрин 1-диз Гъяякент райондин «ЦIийи Къяякент» аэродромдиъ парашютдин спортдиан «Урусатдин игитарин Ассоциацияйин Кубок» ччвур али вари Урусатдин талитар кIули гъушну. Дурариъ Урусатдин 20 региондиан, гьацира Италияйиан, Грецияйиан, Сербияйиан, Черногорияйиан ва Болгарияйиан 100-тIан артухъ спортсменар иштирак гъахьну. Думу талитарин тешкиллувализ Советарин Союздин Игит, «Урусатдин игитарин Ассоциация» правлениейин вакил Александр Солуяновди заан кьимат тувнийи.

 

Бокс

Боксдиан талитар 30-пи июлиан 3-пи августдин йигъари Каспийск шагьрин Аьли Аьлиевдин ччвурнахъ хъайи спортдин дараматдиъ боксдиан М.-С. Умахановдин ядигариз бахш дапIнайи Вари халкьарин турнир кIули гъушнийи. Думу Умахановдин 101 йис хьпахъди аьлакьалу дапIнайи ва талитариъ 20-тIан артухъ уьлкйириан 200-дихьна спортсменар иштирак гъахьнийи.

Оцените материал
(1 Голосовать)
Последнее изменение Четверг, 16 января 2020 07:37

ПОСЛЕДНИЙ НОМЕР

Свежий выпуск

Читайте также

Сборная Дагестана выиграла 17 медалей на Гран-при «Иван Ярыгин»

янв 27, 2020 Спорт

...................................................................................................

В Махачкале открылась выставка «Золотые узоры Кубачи»

янв 27, 2020 Культура

...................................................................................................

Состоялось официальное представление полпреда президента России в СКФО

янв 27, 2020 Политика

...................................................................................................

Хизри Шихсаидов встретился со студентами ДГУ

янв 27, 2020 Образование

...................................................................................................

Меры поддержки молодых специалистов обсудили в Дахадаевском районе

янв 27, 2020 Общество

...................................................................................................

Екатерина Толстикова провела совещание по вопросу утверждения проектов…

янв 27, 2020 Политика

...................................................................................................

Для детей военнослужащих Росгвардии провели профилактическую беседу

янв 27, 2020 Общество

...................................................................................................

Акция «Блокадный хлеб» прошла в Табасаранском районе

янв 27, 2020 Общество

...................................................................................................

Эксперты проанализировали поступившие от дагестанцев предложения по ос…

янв 27, 2020 Общество

...................................................................................................

В Театре поэзии г. Махачкалы вспоминали Высоцкого

янв 27, 2020 Культура

...................................................................................................

Информация

Рекомендации по профилактике коронавируса

янв 25, 2020 Информация

...................................................................................................

Конкурс рисунков «Мой папа и Я за безопасные дороги»

янв 20, 2020 Информация

...................................................................................................

Информация об освобождении граждан от уплаты имущественных налогов не …

янв 17, 2020 Информация

...................................................................................................

Продолжение информации об эпидситуации по заболеваемости ОКИ в г.Кизля…

янв 17, 2020 Информация

...................................................................................................

О международном проекте «Российская и германская молодежь в диалоге: …

янв 15, 2020 Информация

...................................................................................................

GOOGLEPLEY

Top.Mail.Ru
Рейтинг@Mail.ru Яндекс.Метрика

© 2014 ГБУ РД "Редакция республиканской газеты "Зори Табасарана". Все права защищены. Учредитель: ГБУ РД "Редакция республиканской газеты "Зори Табасарана". Сетевое издание "Зори Табасарана" зарегистрировано в Федеральной службе по надзору в сфере связи, информационных технологий и массовых коммуникаций (Роскомнадзор) 07 марта 2017 года. Свидетельство о регистрации Эл № ФС77-68946. Возрастное ограничение 6+

Главный редактор Маллалиев Гюлахмед Нуралиевич