Эгер банк хъябкьиш, душваъ уьбхюради гъабхьи жвуван пул кьяляхъ апIуз шулу. Хусуси касарин банкариъ айи пулин страхование апIбан гьякьнаан къанундиинди, дициб дюшюшдиъ гьюкуматди миллионна 400 агъзур манатдихьна пул кьяляхъ тувру.

 

Думу ляхин банкариъ уьбхюрайи пулин страхование апIбан агентствойи (АСВ-йи) кIули гъабхуру. Диди гьамусдиз чпин гъурулушдиз дахил шулайи банкарин 3 миллиондихьна клиентарин пул кьяляхъ гъапIну. Хъа эгер банк му агентствойин гъурулушдиз дахил шуладарш, дидиз хусуси касарин пул уьбхюз ихтияр адар.

Банкдиъ уьбхюрайи пул 1 миллионна 400 агъзурилан зиина вуш, имбу пай банк хъябкьру вахтна кьяляхъ тувру. Думуган АСВ-йи банкдин шейъ-шюйъ масу туври, дидин шаксуз гьяракатар ахтармиш апIури, клиентарин пул кьяляхъ тувуз мумкинвалар агуру. Къанундиинди агентствойи сифте вуди хусуси касарин пул кьяляхъ апIуру: сабпи нубатнаъ, 1 миллионна 400 агъзурилан зиина вуйи пул, хъасин маважиб ва пособйир, шубупи нубатнаъ -юридический касаринна алверчйирин пул. Гьаддиз жвуван пул уьбхюрайи банк хъябкьбан гьякьнаан хабар гъабхьиган, гъалабулугъ духьну ккундар, хъа АСВ-йин сайтдиан тялукь мялуматар дагну ккунду.