Гьюрматлу газат урхурайи дустар!
Магьа «Табасарандин нурар» газатдин 90 йисандин юбилейин йисра аьхирихъна гъюра.
Учхьан, жюрбежюр дюшюшар себеб духьну, му серенжем дюппе-дюз майдин вазлиъ (газатдин сабпи нумра 1932-пи йисан 5-пи майдиъ удубчIвну) къайд апIуз гъабхьундайчухьан. Хъа вушра, магьа ццийин йис камиди, ихь халкьдин чапдин дакьатди ккадапIу му маракьлу рякъюн натижйир йивбанди гъахьунча.
3-пи декабриъ Мягьячгъала шагьриъ айи Дагъустандин гьюкуматдин педагогвалин университетдиъ (Мягьямед Ярагъийин ччвурнахъ хъайи кючейин 57в нумрайин дараматдиъ) газатдин 90 йисандин юбилейиз бахш вуйи серенжем кIули гъябгъиди. Шадлугънан мярака йигъну сяаьт сабди ккебгъди.
Газатдин дустариз варидариз му йигъинжагъдиз теклиф апIурача.
