Гьамусяаьт республикайиъ коронавирус уьзрихъди вуйи аьгьвалат читинуб вушра, «ХатIасуз ва ужуб ерийин рякъяр» милли проектдин дахилнаъди Мягьячгъалайин кючйириъ рякъяр рас апIувалин ляхнар гьяракатниинди давам шула.

 

Улихьна йигъари РД-йин Правительствойин Председателин сарпи заместитель Гьяжимягьямед Гьюсейновдина РД-йин транспортдинна рякъярин мяишатдин министр Ширухан Гьяжимурадовди меркездин кючйириъ гъахурайи ляхнар ахтармиш гъапIну. Улихьна йигъари РД-йин Правительствойин Председателин сарпи заместитель Гьяжимягьямед Гьюсейновдина РД-йин транспортдинна рякъярин мяишатдин министр Ширухан Гьяжимурадовди меркездин кючйириъ гъахурайи ляхнар ахтармиш гъапIну. 

 

Къайд дапIну ккундуки, проект 2024-пи йисазкьан давам дапIнайиб ву.  Гьяжимягьямед Гьюсейновди къайд гъапIганси, улупнайи вахтнан арайиъ кючйир рас апIбан ляхнар аьхирихъна дуфну ккунду. Гьаддиз, гьюкуматдин ва муниципалин  органари, расвалин ляхнар тамам апIурайи карханайи сатIиди албагну ляхин апIуб лазим ву.

 

РД-йин Правительствойин председателин сарпи заместителин гафариинди, Мягьячгъалайин кючйир рас апIурайидарихъди сабси шагьрин «Водоканал» карханайин пишекрари мархьар гъургъиган рякъяриъ шид уч дархьбан бадали жиликкди гъягъру турбйир ккирчра. 

 

«Гьамци мили проект уьмриз кечирмиш апIури, ухьуз гьар йисан федералин бюджетдиан меркездин 85 кючйирин рякъяр рас апIуз  саки 680 миллион манат тувра. Кючйириъ расвалин ляхнар гъахури, учу инсанарин тIалабарра, фикрарра гьисабназ гъадагъурача», – аьлава гъапIну Гьяжимягьямед Гьюсейновди.

 

Ширухан Гьяжимурадовдин гафариинди, Мягьяч-гъалайин шубби районарихъдира кючйир рас апIбан гьякьнаан вуйи йикьрар йитIна. 

 

Къайд апIуб лазим вуки, 2020-пи йисаз «Рякъярин гьялкъа» проектдин дахилнаъди, региондин 87,8 километр рякъяриъ (Мягьячгъалайин 57,2 километр ва 30,6 км – республикайин имбуну муниципалитетарин) расвалин ляхнар кIули гъахуз планламиш дапIна. Му метлебариз федералин бюджетдиан 1 миллиардна 543 миллионтIан артухъ пулин дакьатар деетна.