* * *
– Кьюр дуст шубарикан сарнур гьаргана ухшарсузур шулу кIур.
– КучIал ву, йиз дуст риш гизаф утканур ву.

 

* * *
– Увкан жикъиди пуз шулнухьан, – гьерхра бали шурхьан.
– Ваъ, узуз узкан пуз гизаф вахт лазим ву.

Таксийиъди чан гьяятдиз хъуркьу аьмалдар Сефери, чан жибар ригъури, кIуру: «Йиз пулин кисе яв машиндиъ адабхъганси ву, жибдиъ бихъурадарзуз». Му гафар гъеерхьу таксист, гьялакди машиндиз худ тувну, гьергру.
– Му багьачи таксистариз гьарган гьамци дапIну ккнуду, кIури, Сефер чан хулаз гъюру.

 

* * *
Фила «метройиз» гъушишра, душваъ кьадарсуз гизаф инсанар ади шулу: садар ляхниз гъягъюра, жарадар ляхнилан гъюра. Хъа дурар фила лихурайкIан?

 

* * *
Сар кас уьмурлугъди дустагъ дапIнади шулу. Думу ктIерццуру: ликрик гангрена уьзур арайиз гъюру. Дустагъдин духтрарин теклифниинди, начальник къаршу вушра, кетIерццнайир шагьрин больницайиз гъахуру. Къад йигълан думу кас, лик ккадабтIну, кьяляхъ хуру. Саб вазлилан дугъан кьюбпи ликра гангрена уьзри укIу апIуру. Думу хъанара операция апIуз гъахбанди шулу. Амма дустагъдин начальникди ихтияр тувудар. «Уьмурлугъди дустагъ дапIнайи кас тикйириинди мушв’ан адагъуз ккундачвуз. Дугъан ккадабтIу ликра кьяляхъ аьбхъинай», – тIалаб апIуру дугъу.

 

* * *

Сар жилир, чан машиндилан хилар алдатури, макар апIури, ишури машиндин улихь дийигънайиган, гъуншди дугъхьан гьерхру:
– Масу туврайва яв машин, дарш гьаз ишурава?
– Ваъ, масу туврадарза, накь хпири правйир адагъну.

 

Анекдотар уч ва табасаран чIалназ таржума гъапIур Шихмягьямад Гьямидов ву