Ккудубшу йисан ихь республикайиъ йимишарин заан бегьер битмиш гъабхьнийи – вари сабишв’инди саб миллион тонна йимишар уч гъапIнийи. Хъа ццийин йисан, пишекрарин гьисабариинди, йимишарин заан бегьер уч апIуз мумкинвал адар.

 

Дици хьувалин себеб хьадукран гьарари кюкю адабшвнайиган гъахьи аьхълушнарихъди аьлакьалу ву. Гьаму месэлайин гьякьнаан узу Дербент шагьрин УАПК-йин начальник Юсиф Герейхановдихьна илтIикIнийза. Дугъу ич сюгьбатнаъ гьамци гъапнийи:

«Ав, ццийин йис инсанариз гизаф читинуб гъабхьну. Ихь республикайин гизаф районариъ йимишдин багълар аьхълу гъурхьну. Ццийин йисан бегьерра кьяланубтIан гъабхьундар. Гьамусяаьт багълариъ йимишар уч апIувалин кампания гъизгъинди кIули гъябгъюра. Гьелелиг багълар-бистнариъ уч гъапIу йимишарин бегьернан йисандин натижйир йивуз ухди ву, гьаз гъапиш ихь хутIлариъ битмиш гъапIу вари бегьер уч дапIну ккудубкIнадар, ва дурарин натижйир анжагъ августдин аьхирариътIан йивуз хьибдар. Цци гужал манишнар айивалихъди аьлакьалу вуди гьацIар йимишариз цIа йивуваликанра хабрар а. Дупну ккундуки, республикайин районарин йимишдин асас пай багълар (3,7 агъзур га) Магьярамкент райондиъ а. Мани вахтна ихь республикайин думу терефнан багълариъ битмиш гъапIу бегьер саб пуч’вал адарди уч апIуз чалишмиш хьидихьа. Дурар девлету жиларси гьисаб апIура. Гьеле улихь йимишар уч апIру варитIан гъизгъин вахт хьми».