Халкьдин тахаллусариъ кIури шулу: «Аннамиш апIин, амма жара касдихьан гъабхьи гъалатI, текрар апIуз кьаст мапIан». Гьяйифки, мицисдар аьяндар гафар-чIалариз фикир туври шулдархьа.

 

Гьаму йигъари Хив райондиъ яркврарик, чIатар-чIурарик, багълар-бахчйирик цIийир кирчри, саб хайлин зарар тувна. Зат яваш даршули, шубуд-юкьуд йигъандин арайиъ гъулариин кум алди гъабхьну.

Герек даршлу чIур, гьар айиб вуйинхъа? Ухьу цIийир кархьуз мажбур дархьишра, зав`ан мархьлин цIадал адрабхъри фукьан вахт ву? Дюн`я гьацира манишнан ялавну улдубгури адарин? Хъа мал-къарайин язухъ дарин, эй, юкIв адру инсафсуз? Халкь гьацира гукIуни а йигълан-йигъаз артухъ ва дигиш шулайи къанунарихьан ва уьзрарихьан. Дубгнайи йишв`ин кьил алабхьурайидариси, гьамрари хъана гъирагъдилан цIирцIар ккитри а.

Гьюрматлу ватанагьлийир, интернет-сайтариъ сар шли-вуш наан вуш, цIа кипну, укI-кIаж гъубгиган, хъайисан жил авадан шулу гъапну кIури, учвура думу ляхин апIуз гьялак махьанай. Сар касдикан гъабхьи гъалатI, усал ляхин текрар апIуз кьаст мапIанай.

Ухьу чIат-чIурдиз дурушрайир сарра адархьа. Учву гъапIу чIюрх-чIувал марцц апIинай, кчIигру цIа зарар дару йишвахь апIинай ва ичв апIруб-шлуб ккудубкIиган, думу кутIубшвай. Гъи ухьу аш, закур хъана ухьустар гъиди…