Дагъустан Республикайиъ къанунсузди наркотикар масу тувбиин ва гъадагъбиин гюзчивал гъабхру Управлениейин гъуллугъчйири Мягьягъала шагьрин агьали марихуана хьади гъидисну.
«Мягьячгъала шагьриъ Мягьямед Ярагъийин ччвурнахъ айи кючейиъ ерлешмиш дубхьнайи автомобилар жикIру йишван аьтрафариин гьяракатнанна агбан серенжемар гъахурайи вахтна, республикайиъ къанунсузди наркотикарихъди алвер апIрударин зиин гюзчивал гъабхру Управлениейин вакилари 32 йис дубхьнайи агьали гъидисну. Дугъан жибдиъ кагъзаригъян гъидиржнайи швнуб-саб бицIи багъламйир гъидихъну», – хабар тувнийи МВД-йин мялуматарин гъуллугънаан.
Ич сюгьбатчийи къайд гъапIганси, шаклу кас полицияйин отделениейиз гъахнийи, хъа дугъхьан гъибису мутму экспертиза апIуз хътIапIну. Экспертизайиъ думу 118,44 грамм гъагъ айи марихуана наркотик вуйиб тасдикь гъапIну.
Дидиснайи касди чав гъапIу тахсиркарвал гардандиъ гъибисну, ва полицияйин вакилариз марихуана шагьрин гъирагъдиъ уч гъапIуваликан, чав сарди, думу бицIи гъварчариз пай дапIну, гележегдиъ масу тувуз уьбхюрайиваликан гъапну.
Дидиснайи касдиина, РФ-дин УК-йин 228-пи маддайиз асас вуди, уголовный дело гъитIибкIна (къанунсузди наркотикар уьрхювал ва дурар масу тувувал). Му маддайиан вуйи тахсиркарвалариз асккан гьисаб 20 йис дустагъ апIувалин жаза улупна.
