2015-пи йисан 8-пи декабриъ 117-пи нумрайиккди адабгъу Дагъустан Республикайин «Дагъустан Республикайиъ ерли самоуправление тешкил апIбан бязи месэлйирин гьякьнаан» Къанундин 5-пи маддайиз, «Дагъустандин Огни шагьур» шагьрин округдин Уставдин 31-пи маддайиз асас вуди, «Дагъустандин Огни шагьур» шагьрин округдин депутатарин Собраниейи «Дагъустандин Огни шагьур» шагьрин округдин мэрин гъуллугъниина кандидатар гъядягъбан конкурс мялум дапIна.

 

Кьабул дапIнайи къарариз асас вуди, кандидатарин арайиъ 2020-пи йисан 21-пи октябриъ сяаьт 10:00 «Дагъустандин Огни шагьур» шагьрин округдин администрацияйин хулариъ конкурс кIули гъябгъиди. Шагьрин мэр хьуз ккунди айи кандидатарикан газатдин гъюру нумрйириъ мялуматар тувдича.

Конкурсдиъ иштирак шлударин документар кьабул апIру вахтра улупна: документар, 2020-пи йисан 25-пи сентябрилан ккебгъну, 2020-пи йисан 15-пи октябризкьан (шембе ва элгьет йигъар ктарди) гьар йигъан гвачIнинган сяаьт 10:00-дилан сяаьт 17:00-дизкьан (лисундин вахтнан сяаьт 13:00-14:00 ктарди) кьабул апIиди. Документар кьабул апIру йишв – «Дагъустандин Огни шагьур» шагьрин округдин администрацияйин хулар, 2-пи мертеба, «Дагъустандин Огни шагьур» шагьрин округдин депутатарин Собраниейин кабинет; телефондин номер: 5-30-10; 8-967-936-13-31.