Мялимарин дикъатназ

 

Урусатдин мярифатнан министерствойи, вари Урусатдин классарин идара апIурайидарин сабпи форумдиъ иштирак хьпан бадали, мялимарихьан кьабул апIурайи аьрзйирин вахт июлин 5-пи йигъазкьан давам апIура. Дидин гьякьнаан серенжемдин тешкилатчйири мялумат тувра.

Форумдин дахилнаъди «гергми столар», пишекарвалин заан дережа айи касарихъди сюгьбатар гъахиди.

Форумдиъ иштирак хьпан бадали, 25 йис яш дубхьнайи мялимдихьан аьрза тувуз шулу. Аьрза тувруган анкета абцIру, дидихъ «Узу гьапIуз классдин идара апIрйдарин вари Урусатдин форумдин иштиракчи духьну ккунду?» кIуру суалназ гьубкIу жаваб тувнайи кагъаз хъипувал лазим ву.

Форум 9-10-пи октябриъ Москвайиъ кIули гъябгъиди. Форум гъабхру йишвахьна вуйи рякъюн, яшамиш шлу йишван ва ипIру-убхърубдихъ тувру харжар форумдин тешкилатчйири чпин кIул’ина гъадагъура.