Улихьна йигъари «Дагестанская правда» газатдин редакцияйин конференцйир гъахру залиъ республикайин СМИ-йин журналистар Урусатдин Федерацияйин Жямяаьтлугъ палатайин член, «Дурубхъру Урусат» федералин проектдин кIулиъ айи Султан Гьямзаевдихъди гюрюшмиш гъахьну.

 

Учв Султан Гьямзаев Дагъустандиан вушра, РФ-дин Жямяаьтлугъ палатайиъ жара региондин вакил ву. Гьаци вушра, дугъу Дагъустандин месэлйириз гизаф фикир тувра.

Журналистарихъди вуйи гюрюшдиъ думу швнуб-саб учIру месэлйирикан гъулхнийи, хъа узуз йиз макьалайиъ гьадму месэлйирин арайиъ улхурайири къайд гъапIу, 21-пи аьсрин тIягъюн дубхьнайи наркоманияйикан бикIуз ккундузуз. Султан Гьямзаевди туву мялуматариинди, наркоманияйихъди аьлакьалу аьгьвалат, саб Дагъустандиъ ваъ, вари Урусатдиъ гъагъи дубхьна.

«Пуз ккундузузки, 1987-пи йисхъан мина 26-пи июнь вари дюн’яйиъ нарокотикар ишлетмиш апIбахъди ва дурар къанунсузди масу тувбахъди аькси женг гъабхру Йигъси къайд апIура. Аммаки, гьаз-вуш ихь гьюкуматдиъ му йигъаз дикъатлу фикир туврадар. Фуну вахтна вушра, наркотикар – варитIан гъагъи ва учIру яракьси гьисаб апIура. Му яракь ихь жигьиларин, аргъаж шулайи насларин хилиъ адрабхъбан бадали, гьюкуматди, къанун уьбхру органари ва ватандаш’валинна жямяаьтлугъ тешкилатари гъабхурайи ляхин гьелелиг цIибтIан дар. Фукьан зегьмет гъизигишра, месэла гъагъиди гъубзра. Гьаддиз шлубкьан ухди тялукь уьлчмйир кьабул апIувал чарасуз лазим ву. Фицики, гьамусяьт наркотикар ишлетмиш апIури, ихь жигьилари чпин жанар пуч апIура.
Аьхиримжи вахтари жигьилари мефедрон кIуру синтетикайин норкотикар ишлетмиш апIуз хъюгъна. Дурар лапра гъагъи наркотикар ву. Думу наркотикар гьацI йисандин арайиъ ишлетмиш гъапIу жигьилариз зат веледар шулдар», — гъапну «Дурубхъру Урусат» проектдин кIакIначийи.

 

Тамамди макьал газатдиъ урхай.