Зарият Къафланова
ХЬАД
Увуз жара дапIнай вахтна,
Дигмиш дапIну гьарсаб мейва,
Гьяракатнаъ абхъну ава,
Жан варибдин жан вуйи хьад.
Сархуш духьна малар-марччар,
ЧIиви гъахьну иран личIвар,
КкадацIиди гъулай йиччвар,
Жан варибдин жан вуйи хьад.
Аьлимурад Аьлимурадов
ТЕМПЕЛ РИШ
ЮкIв тIубкIуру темпел шуран,
Хулаъ ляхин апIин гъапиш.
Вари кIваълан гьархру дугъан,
Багахь хураг хьади гъабхьиш.
Темпел шураз ккундар дуркьар,
Шулдар дугъхьан жикIуз гъабар.
Саб ляхин а шураз ккуниб –
Деуб гюзгю ивну униъ.
Математикайин табшуругъар
1. Классдиъ 35 урхурайидар а. Дурарикан 20 математикайин кружокдиз гъягъюра, 11 — литературайин. 10 урхурайидар сабкьан кружокдиз гъягъюрадар. Фукьан литераторар математикайиин маракьлу ву?
2. Шубуб пеъли шубуд йигъандин арайиъ 3 мурта ахьуру. 12 гьамцдар пеэри 12 йигъандин арайиъ швнуб мурта ахьуру?
3. Йиз адашдин яш 31 йис вуйиган, йиз яш 8 йис вуйи, хъа гьамус адашдин яш йизубтIан кьюб ражари артухъди ву. Гьамусяаьт йиз яш фукьан ву?
4. Цифра дюзмиш дапIнайи цифрайинна думу гафниинди кIуруган, гафнаъ айи гьярфарин кьадар барабаруб вуйи цифра йипай.
5. Классдиъ 30 балина шуру урхура. Классдиан музейдиз экскурсияйиз 23 байна риш гъушну, хъа кинойизра, музейдизра – 6 кас, хъа 2 кас я музейдизра, я кинойизра гъушундар. Классдиан фукьан касар кинойиз гъушну?
6. Рякъюъди кьюр кас гъягъюра. Дурарикан сар тмуну касдин балин адаш ву. Мици фици хьуб мумкин ву?
7. ЧIюлкьмиъ 5 вич а. Гьаму вичар 5 касдин арайиъ фици пай апIуру, эгер пай апIбалан кьяляхъ, чIюлкьмиъ 1 вич гъубзну ккундуш?
Халкьдин хазнайиан
Абйирин мисаларин мяна ачухъ апIин.
*ГъапIури – ипIур, дарапIури – дирипIур.
*Гафар дапIну, фикир мапIан, фикир дапIну, гафар апIин.
*Абайиз гьюрмат дарапIу бализ чан балира дарапIур.
*Аьхю гафар кIулиз бала, чIилли лавшар фуниз бала.
*Дуст адарш – аг, хъа гъидихъур – уьрх.
*Леъфиз лигну, ликар гьачIаркк.
*Ужуб гафну гъван гъюдли апIуру.
*КIубнир сабан йикIур, усалур – агъзурбан.
Ухди-ухди кIуру гафар
*КIирхъин кIулик кьил кабхь.
*Гъулан гъюлгъян гъюр гъютIубччвну.
Адугъай-дугъай
*Хилар ктар, ликар ккадар,
Амма дишла тIаъру раккнар.
*ЦIигъ дурубгруб, штукк ккадрабхъруб, сирникк – сив, ригъдикк – шид.
*Йишвандин вахтна шюмгърин кьулихъ нисун ккикк.
*Уьру хянаъ кIару марччар.
*ЦIа дар, хъа ургуру.
*Бирхлар а – ккуртт дар, кIажар гъя – гьар дар, ихтилатар ка – адми дар, амма инсанарихъди улухуру.
*Думу ву ругъулуб,
Гъалин чIарар алиб.
ДапIну чаз мани хал,
АдапIуру кьюрд, даабхну душваъ.
*Рижв дибисну, аьхъиъ тIапIруб.
*Улхьанди – кьюрш, кьялхъянди – мургул.
Кроссворд
Дишди: 3. Думу аьгъдарди, урхузра аьгъю апIуз шулдар. 7. Усал, кьувватсуз марчч. 8. Гьяят гафнан синоним. 9. Ляхин апIуз даккнивал. 10. Бедбахтвал, мусибат. 12. ЧIатан рякъбан саягъ. 13. Зегьмет зигбаккан кIул ккадабгъру кас.
Узди: 1. Гьамли гатIахьу цIикIвар – ЦIанакна. 2. Ранг. 4. Шурпа убзруган, думу бабан хилиъ шулу. 5. Ватандин Аьхю дявдиъ ихь уьлкейин гизаф вакилари думу улупну. 6. Сабдиканра фикир ктру, гъайгъусуз кас. 11. Миллетдин ччвур. 12. Рякъюн юлдаш.
Газатдин 22-пи нумрайиъ чап дапIнайи кроссвордиз жавабар.
Дишди: гагвлац, дарг, саил, бата, бенд, далдабу.
Узди: жанг, дарс, жанавар, шишхана, авам, бубу.
