Гьаму йигъари Хив райондиъ Дагъустандин Огни шагьрин «Ватан» спортдин клубдин спортсменарин иштирак’валиинди сборар кIули гъягъюра.

 

Улупнайи серенжем райондин администрацияйин кюмекниинди тешкил дапIнайиб ву.

Сборар машгьур тренер Аьли Аьлибеговдин регьберваликкди кIули гъягъюра. Спортсменарин арайиъди Хив райондин гюрчег дагъларин чемпион Салман Рамазанов 17-18-пи августдиъ ММА-йиан Казань шагьриъ кIули гъябгъру Европайин чемпионатдихьна гьязур шула.

Сборар 25-пи июлизкьан давам хьиди.