Гьаму йисан Дагъустандиъ гизаф бицIидар айи хизанариан сабпи классдиз гъягъру бицIириз 2229 манат жара апIиди.

 

РД-йин зегьметнан ва яшайишдин артмиш’валин министерствойиан учуз мялум гъапIганси, думу кьадар пул республикайин бюджетдиан гизаф бицIидар айи хизанариз кюмек вуди туврайиб ву. Эгер гизаф бицIидар айи хизандиз инсандин кIулихъ 10628 манат гъазанж гъюри адарш, касибвал кайи хизандиъ сабпи классдиз гъягъру бицIир аш, думу пул гъадабгъуз хьибди.

Къайд апIувал лазим вуки, 2020-пи йисан касибвал кайи 6810 хизандиан сабпи классдиз гъушу 6914 бицIириз пулин кюмек тувнийи.

Аьрза 1-пи июлихъан РД-йин зегьметнан ва яшайишдин артмиш’валин министерствойин дахилнаъ айи агьалйирин яшайиш уьбхбан идарйириз, гьацира МФЦ-йин отделенйириз тувуз шулу.