БицIи шагьрар сабишв’инди артмиш апIбан программайин дахилнаъди Каспийск шагьриъ жюрбежюр терефариан инсанар сагъ апIру саб вуйи тикилиш дивбанди ву.

 

 

Гьадму метлеб ади ва яшайишдин жара объектар тикмиш апIбан месэлйир ахтармиш апIбан бадали улихьнаси Дагъустандин Правительствойин председатель Аьбдулпатах Амирханов Каспийскдиз гъушну.

Шагьрин кIулин архитектор Наби Амировди премьер-министр шагьрин кьялан больница ерлешмиш дубхьнайи йишв’ин 500 кас кьабул апIуз шлу бицIидарин ва аьхюдарин поликлиникйир, административный ва 140 койка ади лечебный корпусар, ва гьацира медицинайин тяди кюмек тувбан аьлава станция тикмиш апIбан схемайихъди таниш гъапIну. Мидланра савайи, Каспийскдиъ 300 койка ади жюрбежюр терефариан сагъ апIбан республикайин бицIидарин больница дивбанди ву.

Дагъустандин Правительствойин делегацияйи йишв’ин гъубху совещаниейиъ гьацира хусуси инвесторин иштиракниинди 200 йишв айи бицIидарин багъ тикмиш апIбан месэлайиз гъилигну. Образованиейин мектебдиз гъягъяйиз вуйи тешкилат 11 вазлин арайиъ дивну ккудубкIбанди ву.

Совещаниейиъ Каспийск шагьрин хусуси секториъ аьлава вуди рякъ ва машинар дерккру йишв тикмиш апIбан, гизаф квартирйир ккайи хулариз газ деебтбан месэлйирра гьял гъапIну.