Июлин 19-пи йигъан ихь ватанагьли, Дагъустан Республикайин Правительствойин председателин сарпи заместитель Уьмаров Нюсрет Мягьямедовичдин 50 йис тамам гъабхьну.
Гизаф йисари жюрбежюр заан гъуллугъариъ ляхин апIури, Нюсрет Мягьямедович багъри Хив ва Табасаран районарин яшайишдин фунуб-вушра читин месэлайиз дикъатлу фикир туври, думу вахтниинди гьял апIуз гьаммишан чалишмиш шула. Дугъаз ялавлу ватанпервервал, багъри халкьдихъан юкIв убгувал хас ву.
Юбилейихъди кIваантIан мубарак апIури, Нюсрет Мягьямедовичдиз жандин мюгькам сагъ’вал, уьмриъ хушбахтвал, ляхниъ хъана заан хъуркьувалар хьуб ккун апIурача!
«Табасарандин нурар» газатдин коллектив
