Жигьиларин политикайин цирклиъ 2021-пи йисан РД-йин Главайин грантариан нубатнан конкурс мялум дапIна. Гьаддин гьякьнаан РД-йин жигьиларин ляхнарин министерствойи хабар тувну.

 

 

Жигьиларин политикайин цирклиъ РД-йин Главайин грантариан конкурс 3 номинацйириан гъабхура: наркотикариз аькси проектариз кюмек вуди – 300 000 агъзур манатдин 2 грант, волонтёрарин ляхин артмиш апIбаз – 400 000 манатдин 3 грант ва ватанпервервалин тербия тувбан цирклиъ бицIидарин ва жигьиларин проектариз кюмек вуди – 400 000 агъзур манатдин 2 грант.

Документар 2021-пи йисан 15-пи сентябриз электрондин жюрейиинди «Мой Дагестан» (https://mydagestan.e-dag.ru) портализ хъадаъну ккунду. Конкурсдиъ республикайин аьтрафариин ляхин апIурайи хусуси касарихьанси, юридический касарихьанра иштирак’вал апIуз шулу. Дидиъ иштирак хьпан бадали, https://mydagestan.e-dag.ru сайтдиъ регистрация апIуб лазим ву.

Аьлава вуди, 20-пи сентябриз гьар йигъан (лихру йигъари) гвачIниндин сяаьт урчIвубдиан хябяхъдин сяаьт йирхьубдизкьан улупнайи адресназ (367010, Мягьячгъала шагьур, Гьюсейновдин ччвурнахъ хъайи кюче, 26-пи хал, Дагъустан Республикайин жигьиларин ляхнарин министерство), телефондин нумра – (8722) 69-22-42, электрондин жюрейииндиси, кагъзин жюрейииндира аьрза хъадапIну ккунду.
Конкурсдин гьякьнаан вуйи вари мялуматарихъди, лазим вуйи документарин сиягьнахъди РД-йин жигьиларин ляхнарин министерствойин сайтдиъ таниш хьуз шулу.