Республикайин агьалйир ляхнихъди тямин апIбан РД-йин Минтруддин дахилнаъ айи гъуллугъари 3,2 агъзур агьалйир уьлкейин жюрбежюр регионариъ ляхнихъди тямин гъапIну.
Гьаци, регионарин арайиъ вуйи ярмаркйир, ляхин абгурайидари ляхин туврударихъди видеособеседованйир гъахури, 2021-пи йисан 9 вазлин арайиъ Урусатдин 19 региондиъ 3200 дагъустанлуйир ляхнихъди тямин гъапIну.
«Ляхнар гизафси тикилишариин, ясана гъулан мяишатдихъди аьлакьалудар ву. Кьялан гьисабниинди 4 вазлиз вуйи ляхнар, маважибра – 65 агъзур манатдихьна», – хабар тувра Минтруддин пресс-гъуллугъну.
