«Вари сатIиди» Дагъустандин региондин социальный фонднан кюмекниинди хусуси метлеб айи дявдин операцияйиъ иштирак гъахьи вари дагъустанлуйирин уьмрарикан вуйи китаб чапдиан адабгъиди. Гьамусяаьт фонднан вакилари районарин ва шагьрарин кIулиъ айидарихъди ва республикайин вузарин студентарихъди сатIиди СВО-йиъ иштирак гъахьи эскрарикан вуйи мялуматар уч апIура. Му ляхниъ СВО-йин иштиракчйирин ва Украинайиъ кечмиш гъахьидарин хпари жанлуди иштирак’вал апIура.

 

 

 

КIваин апIуз ккундучузки, «Вари сатIиди» Дагъустандин региондин социальный фонд Сергей Меликовдин табшуругъниинди 2022-пи йисан РД-йин зегьметнан ва яшайишдин артмиш’валин министерствойи тешкил гъапIуб ву. Дидин асас метлеб – хусуси метлеб айи дявдин операцияйиъ кечмиш гъахьидарин хизанариз кюмек апIувал ву. Фонд тешкил гъапIхъанмина дидин гьисабназ республикайин резервдиъ айи фонднаан 300 млн манаттIан артухъ дакьатар хътаъну, хъа 200 млн манаттIан артухъ меценатарихьан гъафну.

Сбербанкдиъ ачмиш дапIнайи фонднан счетдиз фунур касдихьанра пул хътапIуз шулу. Дидин реквизитар гьамцдар ву: 40603810860320000003.
Фонд Мягьячгъала шагьриъ, Абубакаровдин ччвурнахъ хъайи кючейин 117-пи нумрайин хулариъ ерлешмиш дубхьна.

Фонднаан сабишв’инди тувру кюмек лазим вуйи хизанарихьан лазим вуйи мялуматар телефондин 8-967-400-02-64 нумрайиан гъадагъуз шулу.