Гьаму йигъари Хив райондин ЦIийи Фрюгъ гъулан спортдин мектебдин дзюдоистарин команда Агъул райондин Тпигъ гъулаъ Урусатдин Федерацияйин Игит Зулкъаид Къаидовдин гьюрматназ дзюдойиан кIули гъубху республикайин турнириъ иштирак гъабхьну.

 

 

Турнириъ иштирак шулайи аьхю кьадар спортсменариз дилигди, Хив райондин командайин дзюдоистари кьюб 2-пи йишв гъазанмиш гъапIну. Дурар Асадуллагь Аьлимягьямедов (46 кило гъагъ айи спортсменарин арайиъ) ва Ильяс Дадашев (66 кило гъагъ айи спортсменарин арайиъ) ву.

Спортдин думу талитар ачмиш апIбан серенжемдиз РД-йин милли политикайин ва диндин ляхнариз лигру министр Энрик Муслимов, РД-йин спортдин министр Сажид Сажидов, РД-йин транспортдин ва рякъярин гъурулушдин министр Жамбулат Салавов, РД-йин дзюдойин федерацияйин кIулиъ айи Ирасхан Жяфаров, РД-йин муфтийдин кюмекчи Мягьяммадрасул Саадуев ва хайлин жарадар гъафнийи.

Турнириъ Дагъустандин шагьрариан ва районарианси, Санкт-Петербург, Орел, Краснодар, Москва шагьрарианра спортсменар иштирак гъахьну.
Талитарин гъалибчйир ва пешкешнан йишварин сагьибар медалар, грамотйир ва пулин пешкешар тувбиинди лишанлу гъапIну.