Хусуси метлеб айи дявдин операцияйиъ иштирак шулайи эскрариз гьюкуматдин терефнаан хайлин кюмекар апIура, льготйир тувра, ва дурарин сиягь гьар вазлиъ яркьура шула. СВО-йиъ иштирак шулайидарин гьякьнаан аьхиримжи вазлин арайиъ цIийиди удучIвнайи къарарарихъди ва министерствйирин теклифарихъди учву таниш апIурача.
Пул туври урхурайи студентариз бюджетдин къайдайиина улдучIвувал Урусатдин образованиейин ва илмин министерствойи рягьят гъапIну. Йикьрар йитIну пулихъ урхурайи студентариз, бюджетдин бинайиинди урхувализ улдучIвбан бадали, лазим шулайиб тялукь аьрз бикIувал ва учв хусуси метлеб айи операцияйиъ иштирак хьувал субут апIурайи документар хувал ву.
Урусатдин образованиейин ва илмин министерство урусатдин вузарихьна СВО-йиъ иштирак гъахьи абитуриентар вузарик кучIвруган, дурариз айи балларихьна 10 баллсан иливбан теклиф хьади удубчIвну. Хъа вузариъ урхурайи ва «дявдин гьяракатарин иштиракчи» ччвур айи студентариз урхувал ккудубкIайизкьан гьюкуматдин стипендия тувди.
УСЗН-дин гъуллугъчйир Дагъустандиъ хусуси метлеб айи дявдин операцияйиъ иштирак шулайидарин хизанарин социальный контракт йибтIуз туврайи аьрзийз сабпи нубатнаъди лигиди. Мидин гьякьнаан республикайин кIулиъ айи Сергей Меликовди хабар тувну.
