Мягьячгъалайиъ Дагъустан Республикайин Халкьдин Собраниейин депутат Имран Аваев ва «Саб вуйи Урусат» партияйин Дагъустандин региондин отделениейин кIулиъ айирин заместитель Сергей Никитин абйир-бабарин кюмек адарди гъузу йитим бицIидарин мектеб-интернатдиъ гъахурайи расвалин ляхнарихъди таниш гъахьну.

 

 

Думу интернатдиъ гъваъ, гъварднаккишвар, жиликк ккахьнайи кьулар рас дапIну ккунду, гьацира манишин тувру гъурулуш цIийи алапIну, цалар арсбан ляхнар гъахувал планламиш дапIна.
Депутатди мектебдин дарамат ахтармиш дапIну, расвалин ляхнар гъахурайи тешкилатдин кIулиъ айириз тюмбюгьар гъивну. Имран Аваевди дарамат улупнайи вахтнан арайиъ рас дапIну ккудубкIувал тIалаб гъапIну.

Дугъу гьацира къайд гъапIганси, дибдиан расвалин ляхнар гъабхбиин депутатдин гюзчивал давам хьибди.
Диди расвалин ляхнарин ерира за апIуз гъитди.