РД-йин милли политикайин ва диндин ляхнариз лигру министерствойин тешкиллувалиинди 6-9-пи августдиъ Дагъустандиъ харижи уьлкйириъ яшамиш шулайи ихь ватанагьлийирин Вари халкьарин III форум кIули гъябгъиди. Форумди 30 уьлкейиан правительствйирин ва ватандаш жямяаьтлугъдин вакиларикан 100-тIан артухъ ватангьлийир, Алжирин бизнесдин тешкилатарин вакилар сатIи апIиди. Серенжемдин метлеб – ихь вари ватанагьлийирин арайиъ ужудар аьлакьйир тешкил апIувал, дурариз айи мумкинвалар регион артмиш, инвестицйир жалб, туризм артмиш апIуз ишлетмиш апIувал ву.
Серенжемдин дахилнаъди заседанйир, сессйир, гергми столар кIули гъягъиди. Форумдин иштиракчйир, Дагъустан Республикайин муниципальный районарин тарихи йишвариз экскурсйириз гъягъюри, милли культурйирихъди таниш хьиди.
Форумдин натижйириз лигну, тарихи ватандин ва жара уьлкйириъ айи ихь ватанагьлийирин тешкилатарин арайиъ мянфяаьтлу аьлакьйир тешкил апIбан теклифар дивди.
