Багарихьди Табасаран райондин глава Мягьямед Къурбановди райондин гьарсаб гъулан поселениейин жямяаьтдихъди гюрюшар тешкил апIуз планламиш дапIна.

 

 

Гюрюшариъ Табасаран райондин глава, райондин администрацияйин жавабдар вакилар, мектебарин директорар, жямяаьтлугъ вакилар, яшлу касар, жюрбежюр йисари райондин ва гъуларин артмиш’валик баркаллу пай киву ватандашар иштирак хьиди.

Му серенжемар гъахбан метлеб –агьалйириз гъапIу ляхнин натижйирикан мялуматар тувувал, администрацияйин ва райондин агьалйирин арайиъ сигъ аьлакьйир арайиз хувал, бинайиъ дивуз шлу сюгьбат гъабхувал ву. Гюрюшариъ гъуларин поселен-йирин вакилариз важиблу месэлйир арайиз адагъиди, дурар гьял апIбакан ва гьацира райондин жямяаьтлугъдин яшайишдинна экономикайин цирклин артмиш’валин хъуркьуваларикан, багахь гележегдиз дивнайи планарикан, ва жара месэлйирикан улхбар кIули гъягъиди.