РД-йин спортдин министерствойин пресс-гъуллугънаан мялум гъапIганси, пучIу атлетикайиан Дагъустандин сборный команда «Ухьу сатIиди вухьа, Спорт» Хьадан паралимпиадайин талитариъ иштирак хьибди.
Паралимпиадайин иштиракчйирин арайиъ талитар Урусатдин 14 региондиъ спортдин 22 жюрейиан кIули гъя-гъюру. Думу талитариъ 4,5 агъзуртIан артухъ спортсменар иштирак хьиди. ПучIу атлетикайиан вуйи талитар 10 – 17-пи августдин йигъари Чувашияйин меркез вуйи Чебоксары шагьриъ гъахиди. Думу талитар Паралимпиадайин аьхю тамшириз ужударстар спортсменар гъядягъру этапарикан саб хьибди.
Дагъустандин сборный командайин дахилнаъ айи 16 спорт-смендин арайиъ клаб (гакIвлин маргълиз ухшар вуйи спортдин алат) гатIабхьру, Токиойиъ кIули гъубшу Паралимпиадайин гъалибчи Муса Таймазовра а.
