Ихь халкьдин аьлимарин, бажаранлу ва машгьур шаирарин ччвурар кади бабан чIалнан ва литературайин дарсариз вуйи кроссворд. Дурарикан хайлиндар гъи ихь арайиан душнашра, чпин яратмиш дапIнайи такабур эсерариинди дурар гьаммишандиз ихь юкIвариъ гъузди. 

 

Тикди: 1. «Ширин вузуз му яв нефес, / Эй зу гъюрхю багъри дада. / Гьарган хулаъ хьуб му яв сес, / Яшайишдин шадвал вуда». Фуну шаирин гафар ву? 2. «Намуснан сир» кIуру китабдин автор ва 1933-пи йисан Кюре округдин Хив гъулаъ бабкан гъахьи шаир? 3. «ХъухърумартIан мархь лазим ву» шлин эсер ву? 4. Надир шагьдин чапхунчйириз къаршуди удучIву табасаран халкьдин милли игит, шаир, мялим. 5. «Хъинцамегьмер» кIуру эсерин автор. 6. Дугъу чан веледаринра мукьам гьисс апIувал ачухъ хьуз гъитну. 2018-пи йисан Хив райондин Ляхла гъулаъ дугъан бабкан духьну 70 йис къайд гъапIну. 7. «Снайпер Аьбдуллагь» шиърин автор, Хиварин кьялан мектеб дугъан ччвурнахъ хъа. 8. «ДарчIиди кивур» кIуру эсерин автор. Гьаму кьанди Хив райондиъ дивнайи Кьялян библиотекайин икриъ дугъаз ядигара дивну.

Чапди: 1. Му касдиз ччвур тувна: шаир, аьлим ва эскер. Мидланра савайи, дугъу чан шаирвалин таблин ирс чан веледдихьна тувну. 2. «Жихрин гьар» кIуру эсерин автор. Дагъустан халкьдин бажаранлу шаир. 3. «Хабар тув ихь дустариз» шиърин автор. Мидланра савайи, дугъан ччвурнахъ Гъвандккарин кьялан мектебра хъа. 4. «БитI ва гату» кIуру нагълин автор фуж ву? 5. Табасаран халкьдиз уьмарат алфавит адабгъу аьлим ва «Букварь» китабдин автор. 6. «Зегьметкеш Ханбаба» шиърин автор. 7. 1920-пи йисан Гъвандикк гъулаъ бабкан гъахьи шаир, Ватандин Аьхю дявдин иштиракчи. 8. БицIидарин дустсир шаир. «Рубасдин мяъли» шиърин автор. Сифте вуди табасаран халкьдин радиойиъ гъилихур ва «Ппази» журнал чапдиан адабгъур.

Кроссворд дюзмиш гъапIур Мейлан Нежефов ву