Хив райондиъ халкьарин сабвалин Йигъ къаршуламиш гъапIну. Му йигъаз тялукь вуйи шадлугънан мажлис райондин культурайин хулаъ кIулиъ гъубхнийи. Культурайин хулаъ гъулариан дуфнайи хялар, волонтёрар, мектебариъ урхурайидар, мялимар ва главйир айи.

Уч духьнайидар сабвалин Йигъахъди тебрик апIури, серенжемдиъ райондин глава Ярмет Ярметов удучIвну гъулхнийи. — «Ухьу вари сабвали, Ватандихьна вуйи ккунивали сатIи апIура. Гьарсаб миллетдиз, медениятдиз аьсрариинди вуйи чан тарих а. Гьарсаб миллетдин тарихназ, диндиз ухьу лазим вуйи кьимат, дикъат тувну, сар-сарин хатур-гьюрмат дюбхну ккунду. Ухьу вари сатIиди айиган, Ватан ва дирбаш вухьа. Ватан, халкь бадали лазим гъабхьиш, абйириси жвуван жандин ифдин цIадал гьяйиф дарапIувал ихь гьарсаринра буржи ву. Гъит, ихь дуствалин гъардаш`валин, сатIивалин вуйи йигъ фици аьсрариинди сабвалин гъаласи аш, думу хъанара кьувватлу ибшри! Гьюрматлу вуйи Хив райондин агьалйир! Гьаму аку ва гюзел, такабур йигъан ичв хизанарин арайиъ гьарган манишин, берекет кIул`ин гьаммишан алтIабгнайи аку зав, дюн`яйиъ ислягьвал хьувал марцци кIваан ккун апIураза! Чухсагъул.»

Дугъан удучIвну улхбан кьяляхъ мярака волонтерарин номериинди ва гьацира РКДЦ-йи гьязур дапIнайи концертдин программайиинди кIули гъубшнийи.