Аьхиримжи вахтари Урусатдиъ яшамиш шулайи ихь ватанагьлийири, кми-кмиди чпин гъуландариз, багъри районариз жюрбежюр кюмекар апIуз хъюгъна.

Гьадрарикан сар Табасаран райондин Кувагъ гъулан агьали Мирзаев Сабир Мирзакеримовичра (шиклиъ гагул терефнаъ) ву. Думу Белгородский областдиъ дилаварчи кас ву.
Сабир Мирзакеримовичди аьхиримжи вахтна чан багъри гъулаз ва гъуландариз гьамцдар кюмекар дапIна: гъулан мистаз сес гъалинди ебхьру аппаратура масу гъадабгъну, гъулан накъваригъ гъуршин дивну, гъулаз гъюрайи 500 метр рякъ рас гъапIну.

Гъуландари Сабириз аьхю чухсагъул мялум апIура.

Узу йиз терефнаан дугъаз сагъвал, шадвал ва чан дилаварчивалин ляхниъ хъана аьхю хъуркьувалар ккун апIураза.