Декабрин 3-диъ вари дюн’яйин инвалидарин йигъ Табасаран райондин КЦСОН-диъ аьхю тафавутлувалиинди къайд гъапIну. Инвалидарин машквриз бахш дапIнайи серенжемдиъ, дурар тебрик апIури, КЦСОН-дин директор Нариман Аьлиев, вари Урусатдин инвалидарин жямяаьтлугъ тешкилатарин отделенйирин РД-йин Табасаран райондиъ айи тешкилатдин председатель Уружбег Демирбегов, «Табасарандин сес» райондин газатдин кIулин редакторин замес-титель Рустам Къурбанов, «Марцци юкIв» фонднан вакил Наида Султанова удучIвну гъулхну.

 

Хъасин «Марцци юкIв» рягьимлувалин фонднан вакиларин регьберваликкди душваъ инвалидариз маракьлу концерт улупнийи. Инвалид бицIидариз вуйи шадвалин мярака кьаназ давам гъабхьнийи.

Уружбег Демирбеговди къайд гъапIганси, ихь респуб-ликайиъ 270 агъзур инвалид яшамиш шула. Гьадму гьисабнаан 5532 кас Табасаран райондиъ дуланмиш шулайидар ву.
Инвалидар бедендин сагъ’валин жигьатнаан нукьсанвал кайи инсанар ву, амма рюгьнан мюгькамвалин терефнаан дурар кьувватлудар вуди гьисаб апIура.

Аьхириъ аьхю чухсагъулин гьиссариинди ва гьюрматлувалиинди къайд дапIну ккундуки, «Марцци юкIв» фонднан терефнаан инвалидариз рягьимлувалин аьхю кюмек тувур ихь ватанагьли Анна ТIагьирова ву.