2020-пи йисан 9-пи январилан 24-пи январизкьан «Дагъустандин Огни шагьур» шагьрин округдин администрацияйи 2019-2024-пи йисари «Дагъустандин Огни шагьур» шагьрин аьтрафариин деврин тIалабариз шартIар» муниципалин программайин дахилнаъди жямяаьтлугъ аьтрафар къайдайиз хувалин гьякьнаан агьалйирихьан теклифар кьабул апIбан ляхин гъабхура.

Муниципалитетдин администрацияйин мялуматарин гъуллугънан вакили ич мухбириз туву хабрариинди, теклифар почтайиъди гьаму адресназ хътауз шулу: РД, Дагъустандин Огни шагьур, Козленко кючейин сабпи нумрайин хулар, шагьрин администрацияйин уьмуми отдел.

Интернетдиъ, чап апIбан дакьатариъ ва гьацира ерли телевидениейиъ му ляхин, къайд дапIнайи жямяаьтлугъ месэла гьял апIбаъ шагьрин агьалйир иштирак хьпан бадали, гъабхурайиб ву. Жямяаьтлугъ аьтрафарикан фунуб йишв улихь гъабхьнуш аьгъю апIбан натижйир 2020-пи йисан 28-пи январиъ йивбанди ву.