Табасаран халкьдин тамшир

 

Байвахтнан тамширикан газатдин аьхиримжи нумрариъ учу хъади-хъади бикIурача. Гъи учвуз нубатнан тамшийикан мялуматар туврача.

 

 

 

Ургуб сахса. Му тамшийиъ 5-тIан артухъ бицIидар иштирак шулу. Сифте нубатнаъ шюшдин балунарилан аьлтIякьу рукьан йирси 12 гъапагъ ва цIиларикан вая жара гъюдли шей’арикан бицIи туп гьязур апIуру. Хъасин тамшийиъ иштирак шулайидарикан сар, 12 гъапагъ, чиб чпиин иливну, туп кубкIиган дурар жилиина адрахьбан бадали, гьадрарин кьяляхъ, хъа имбудар дугъан гъаншариъ дийигъуру.

«Ургуб сахса» тамшийин асас метлеб – саб сабдиин иливну дивнайи гъапгъар, туп йивну, жилиина ирчувал ву. Эгер сарпи иштиракчийихьан, туп дивну, гъапгъар саб сабдилан алдахьуз дархьиш, туп йивбан нубат жарарихьна рубкьуру. Дугъхьанра илдирчуз дархьиш – шубурпирихьна. Дугъан йивубра натижасуз гъабхьиш, туп йивуз гъапгъар уьрхюрайир учв гъягъюру, хъа дугъан йишв’ина сабпи ражари туп гъивур гъюру.

Хъа, гъиву туп кубкIну, гъапгъар ахьиш, дурар уьрхюрайир, гьадму тупра хьади имбударихъ хъергру. Дугъан метлеб – гьерграйидарихьди гъапгъар уч дапIну цIийикIултIан чиб чпиин иливуз гъид-ритувал. Хъергнайири гъиву туп кубкIуриз гъапгъар уч апIуз ихтияр адар. Эгер гьергдарикан сарихьанкьан гъапгъар, эвелиъ айи саягъназ уч апIуз гъабхьиш, туп хьади хъергур хъанара гъапгъар уьрхрюрди гъузру. Хъа эгер дугъу вари иштиракчйир, туп йивури, тамшийиан адаиш, гъапгъарин «гъаравул» жарар шулу.
Гьюрматлу вата-нагьлийир, узу ну-батнан тамшийикан ктибтбан эстафета ФатIимат Аьлиева-Мирзоевайихьна тувраза.