(Эсериан чIукI)

 

 

 

– Я жан дада! Дяви ккудубкIну гьамус сумчIур йистIан артухъ ву. Муъмин сагъ-саламатди имийиш, ухдитIан хабар шуйхьуз. Ухьу цIиб гъибикIнийин? Гьарсаб йишв’ан гъюрайиб саб жаваб ву: мялуматсузди гъудургну. Ихь сар Муъмин дарки дици гъудургур. Рустман Султанра, Месмран кьюрид баярра, саб хабар адарди, дудургнадарин?..

 

– Хъа Сарухандин Беглар гъидихъуб фу ву?! – шуран гафар кьатI дапIну, гьялакди кIуйи дадайи. – Гьадмура дихъурдар, кIуйи. Дурар чпин балихъна… – рягьматдикк ккайишри чав – гьар йисан гъягъюра… Муъминра гъюру… Гьадму Рустман ва Месмран баярра дихъуру…

«…»
Гъваларихъинди лигурайи Айханум бабан уларикк майдандин кьял’ин дийигънайи солдтин сурат ккабхьру. Памятник гъябкъган, думу, дийигъ гъапирси, сабпну ди-йигъуру. ЧIардиз диришври.

«…»
– Жакьвар хьуп’инди, жакьвар гъюру чпин мукьариз… Хъа уву… уву гъюрдар, кIуйи гьа… Хъугъундарза, йиз бай, хъугъундарза дурарихъ… Аьгъяйзуз, уву гъюруб!…