Гьарсар дишагьли мяъли ву – назук, гьиссари абцIнайи, дерин мяна хъайи, кIваз ва жандиз рягьят тувру, гевюл ачухъ ва игитвалихьна дих апIру. Гъит, думу мяъли гьарвахтна варитIан ккуниб, кIвак кабсруб, гургутум аьт-раф гъяни апIруб ибшри.

Ичв аку машквар мубарак ибшри, гирами дишагьлийир!

 

 

 

          ДИШАГЬЛИЙИЗ

Шадди кабхьри хьадукран ригъ,
Маниб ибшри улубкьу йигъ,
Гьарган гъубзри яв кIваъ ишигъ,
Гъийин машквар вуз мубарак.

Хулаъ беркет артухъ ибшри,
Баяр-шубар сагъди гъитри,
Гьиссарин цIа кабхьну убгри,
Аку машквар вуз мубарак.

Дустна юлдаш аьгъюр вува,
Дурарин гьюрмат уьбхюрва,
Бахтаварси лицурава,
Дуфнайи машквар мубарак. 

                                       Р. Рамазанов