Табасаран эскрар – Ватандин Аьхю дявдин иштиракчйир

 

Рамазан Манафович Манафов
1922-пи йисан Лика гъулаъ бабкан гаъхьну.

Багъри гъулаъ ислягь зегьмет зигури гъябгъюрайи жигьилин уьмур дявди кьатI гъапIну. Бегьемди яшнаккра ккуркьну адру живан 1941-пи йисан сентябрин эвелариъ Хасавюрт шагьриъ ерлешмиш дубхьнайи зегьметнан армияйиз гъахуру. Душваъ Рамазан Манафов сифте вуди дявдин читинваларихъди таниш гъахьну.