Табасаран эскрар – Ватандин Аьхю дявдин иштиракчйир

 

Байрам Байрамович Сейидялиев

1923-пи йисан Табасаран райондин Кьулиф гъулаъ бабкан гъахьну.

 

1942-пи йисан Мягьячгъалайин дявдин пиядавалин училище ккудубкIбан кьяляхъ, думу Кафари Кавказдин командованиейин ихтиярназ гьаъру ва Суворовдин кьюбпи дережайин ордендин ччвурнахъ хъайи Новороссийскдин 318-пи стрелковый полкнан 1339-пи взводдин командирди дерккру.

Ватандин Аьхю дявдиъ душмнарихъди женг гъабхури, Байрам Сейидялиевди Румынияра, Венгрияра, Чехословакияра ккадапIну ва Австрияйизкьан гъушну. Думу Ватандин Аьхю дявдин ва кьюбсан «Уьру Хяд» орденариинди ва гьацира хайлин медалариинди лишанлу дапIна.