Табасаран эскрар – Ватандин Аьхю дявдин иштиракчйир
Халикь Шагьсинович Шагьсинов
1920-пи йисан Табасаран райондин Заан Гюгьрягъ гъулаъ бабкан гъахьну.
1940-пи йисан дугъаз Совет армияйин жергйириъ гъуллугъ апIуз дих апIуру. Дугъу 1943-пи йисан 12-пи июлизкьан Хабаровскдин стрелковый полкнаъ гъуллугъ гъапIну. Гьаддихъан думу Белоруссияйин 1 фронтдиз гьаъру. Гьадму йисан октябрин вазлиъ зийнар духьнайи эскрариз кюмек апIурайи вахтна, минометдин йивбарикк ккахъну, дугъан контузия шулу ва гагул хилин 3 тIубра ултIурччвуру. Халикь Шагьсинов анжагъ госпиталиътIан ачмиш гъахьундар. Хулаз II группайин инвалид духьну кьяляхъ гъафну.
Ватандин Аьхю дявдиъ иштирак хьпаз лигну, думу хайлин медалариинди лишанлу гъапIну. Дурарин арайиъ «Дирбаш’вал улупбаз лигну» медалра айи. Халикь Шагьсинов 1995-пи йисан кечмиш гъахьну.
