Табасаран эскрар – Ватандин Аьхю дявдин иштиракчйир

 

Ибрагьим Гьюсейнович Къурбанов

1913-пи йисан Табасаран райондин Хючна гъулаъ бабкан гъахьну.

 

Армияйиъ гъуллугъ апIуз дурушуз ихтияр айир вушра, Ибрагьим Къурбанов чан хушниинди эскервалин гъуллугъ тамам апIуз гъушну ва 109-пи гвардияйин завариз йивру ва тупчивалин яракьарин полкнаъ гъуллугъ гъапIну. Дявдиъ дугъу Сталинграддиан Прагайизкьан рякъ ккадапIну. 1943-пи йисан 723 завариз йивру ва тупчивалин яракьарин полкнан 1-пи батареяйин дахилнаъди Ибрагьим Къурбановди фашистарин 4 самолет ирчну. Гьадму йисан октябрин вазлиъ, душмнари уьлюбхнайи цIиккди, дурари хъанара кьюбсан самолет чIур гъапIну. Немцарин 6 самолет пуч апIбаз лигну, Ибрагьим Къурбанов «Уьру Хяд» ордендиинди лишанлу гъапIну. Мидланра гъайри, думу «Дирбаш’вал улупбаз лигну» ва хъана жара медаларинра сагьиб ву.