Табасаран эскрар – Ватандин Аьхю дявдин иштиракчйир

 

Ферезуллагь Сеидягьмедович Гьяжимягьяммедов

1923-пи йисан Табасаран райондин ЦIанак гъулаъ нежбрин хизандиъ бабкан гъахьну.

 

Педагогвалин училище ккудубкIбан кьяляхъ, думу 1939-пи йисан Ярсарин 7 йисандин мектебдиъ лихуз хъюгъну. 1941-пи йисхъан мина 1945-пи йисазкьан Кафари Кавказдиъ дявдин женгариъ иштирак гъахьну. Дугъаз «Ватандин дявдин кьюбпи дережайин орден», «Кавказ уьбхбаз лигну», «1941-1945-пи йисари Ватандин Аьхю дявдиъ Германияйиин гъалибвал гъадабгъбаз лигну» ва хъана гизаф жара медалар айи.
Ферезуллагь Гьяжимягьяммедов 1996-пи йисан уьмриан гъушну.