Табасаран эскрар – Ватандин Аьхю дявдин иштиракчйир
ТIагьир Мягьмудович Селимов
1918-пи йисан Табасаран райондин Жулжагъ гъулаъ бабкан гъахьну.
Думу 1941-пи йисан 22-пи июндиъ Дзержинскийдин ччвурнахъ хъайи райвоенкоматдиан армияйиз гъушну. Дявдиъ инженервалинна химияйиз аькси 48-пи полкнаъ гъуллугъ апIури гъахьну. ТIагьир Селимов «1941-1945-пи йисари Ватандин Аьхю дявдиъ Германияйиин гъалиб хьпаз лигну», «Кавказ уьбхбаз лигну» медалариинди лишанлу гъапIну.
