Гюльнара Мягьямедова

 
13-15-пи сентябри Мягьячгъалайиъ Варихалкьарин художествойин сяняаьткарваларин «Аьдатар уьрхрудар» кIуру фестиваль кIули гъябгъиди. Фестиваль Дагъустандин туризмдин министерствойи тешкил апIурайиб ву.

Идарайин мялуматарин гъуллугъну туврайи хабрариинди, серенжемдиз Урусатдиан ва харижи уьлкйириан жюрбежюр сяняаьткарваларин 100-тIан артухъ устадар гъиди.
А.С. Пушкиндин ччвурнахъ хъайи кючейиъ ерлемиш дубхьнайи СтIал Сулеймандин ччвурнахъ хъайи паркдиъ выставкйир, милли майднар, арт-площадкйир, устадвалин дарсар ккатIарцциди, милли хурагар гьязур апIури, масу тувди. Хъа сягьнайиина концертдин программа хьади машгьур артистар удучIвиди.

«Аьдатар уьрхрудар» фестиваль, искусствойин яратмиш апIбар рякъюзси, дурар арайиз хуз жвуванра хил кивуз ккунидариз, гизаф миллетарин мукьмарихъ хъпехъуз юкIв хъайидариз, хизандихъди шадди вахт адапIуз ккунидариз гизаф мубарак йишв хьибди.с