Наргиз Гюлечова

Гьаму йисан Дагъустан Республикайин балгъарин мяишатдин гьясиллувал 7 агъзур тоннайиина (10%) за апIуз планламиш дапIна. Республикайин балгъарин мяишатдин комитетдиан тувнайи мялуматариинди, ккудубшу йисан Дагъустандиъ гьюликкан ва даграриккан ккадагъу балгъарин кьадар 6 агъзурна 453 тонна вуйи, гьадрарикан 677 тонна – осетр жюрейин, 4,5 тонна – форель жюрейин балгъар.

Цци республикайиъ балгъарин кьадар артухъ апIбан планар асас вуди Шамиль, ЦIумада ва Тлярата районариъ айи балгъарин мяишарин даграрикк форель балгъарин гизаф чиркквар ккайивалихъди аьлакьаоу ву. Му метлеб кIулиз адабгъуз «Ирганайская форель» ООО инвестицйирин проектдира кюмек тувди. Дидлан савайи, 40 гектариъ айи даграриъ битмиш апIурайи частиковый жюре балгъарин кьадарра артухъ апIиди.